7 – ايدىڭ 10 – كۇنىنەن باستالدى! قيىنشىلىعى بار 161 وتباسى 5000 يۋان قۇتقارۋ قاراجاتىن الۋدى ءوتىنىش ەتۋىنە بولادى

انار بۇلت \ شينجياڭ گازەتىنىڭ حابارى. 7 ـ ايدىڭ 10 ـ كۇنى شينجياڭ قىزىل كرەست قور قوعامى ”مەيىرلى تيانشان، سالماقتى ناۋقاسقا قامقورلىق جاساۋ“ كوپ بولىپ اقشا جيناۋ نىسانىنىڭ اتقارىلۋ حابارلاندىرۋىن جاريالاپ، بۇكىل شينجياڭداعى قيىنشىلىعى بار سالماقتى ناۋقاستارعا جانە وتباسىلارىنا ادامگەرشىلىك كومەك كورسەتكەن.

بيىلعى ”8 - مامىر ادامگەرشىلىك الەۋمەتتىك يگىلىك كۇنى“ كەزىندە، بۇل قور قوعامى تىڭشۇن الەۋمەتتىك يگىلىك تەكشەسىندە ”مەيىرلى تيانشان، سالماقتى ناۋقاسقا قامقورلىق جاساۋ“ كوپ بولىپ اقشا جيناۋ نىسانىن ىسكە قوستى، قازىر كوپ بولىپ اقشا جيناۋ نىسانى اياقتادى، مۇنىڭ ىشىندە جەلىدە جينالعان جىلۋ سوماسى 852659.14 يۋان، جەلىدەن تىس جينالعان جىلۋ سوماسى 32760.67 يۋان بولىپ، جالپى جىلۋ سوماسى 885419.81 يۋان بولعان. تىڭشۇن الەۋمەتتىك يگىلىك تەكشەسىنىڭ جوبالاۋ ولشەمىنە نەگىزدەلگەندە، بۇل نىساننىڭ اتقارۋعا بولاتىن سوماسى 804 مىڭ 935.15 يۋان بولعان.

”مەيىرلى تيانشان، سالماقتى ناۋقاسقا قامقورلىق جاساۋ“ نىسانىنا ءوتىنىش بەرۋ ۋاقىتى 7 - ايدىڭ 10 - كۇنىنەن 8 - ايدىڭ 31 - كۇنىنە دەيىن (تىزىمدەلگەندەر تولسا بولدى توقتايدى).

نىساننىڭ مازمۇنى مىنالاردى قامتيدى: بۇكىل شينجياڭداعى 0 جاستان 80 جاسقا دەيىنگى قيىنشىلىعى اۋىر 161 وتباسىنا جانە وتباسى ادامدارىنا ادامگەرشىلىك كومەك بەرۋ، قۇتقارۋ ولشەمى 5000 يۋان.

سالماقتى اۋرۋلاردى قۇتقارۋ تۇرلەرى قاتەرلى وسپە، اق قان اۋرۋى جانە باسقا دا قان اۋرۋى، نەسەپپەن ۋلانۋ، سالماقتى باۋىر قابىنۋ قاتارلىلاردى قامتيدى.

نىساننىڭ كومەك بەرۋ وبيەكتىسى باستىسى مىنالار: قالا مەن اۋىلداعى ەرەكشە قيىنشىلىعى بار باعىپ - قاعۋ وبيەكتىسى، قالا مەن اۋىلداعى ەڭ تومەنگى تۇرمىستى قامتاماسىزداندىرۋ وتباسى مۇشەلەرى، قالا مەن اۋىلدىڭ قيىنشىلىعى ەڭ تومەنگى تۇرمىستى قامتاماسىزداندىرۋ جيەگىندەگى وتباسى مۇشەلەرى، سونداي - اق باقىلاۋ - تەكسەرۋ كولەمىنە ەنگىزىلگەن اۋىل - قىستاقتاعى وڭاي قايتا كەدەيلەسەتىندەر، جوعارى مولشەردەگى ەمدەۋ قاراجاتى شىعىسى سەبەبىنەن وتباسىنىڭ نەگىزگى تۇرمىسى اۋىر قيىنشىلىققا ۇشىراعان سالماقتى ناۋقاسقا شالدىققاندار (اۋرۋ سەبەبىنەن كەدەيلەسكەن سالماقتى ناۋقاسقا شالدىققاندار، الدىڭعى 3 تۇردەگىدەن سىرت ادامدار)، ءتۇيىندى قامقورلىق جاسالاتىن وبيەكتىلەر، شينجياڭ قىزىل كرەست قور قوعامى بەلگىلەگەن باسقا دا ەرەكشە قيىنشىلىعى بار وبيەكتىلەر.

”مەيىرلى تيانشان، سالماقتى ناۋقاسقا قامقورلىق جاساۋ“ نىسانىنا ءوتىنىش بەرۋ جانە قۇتقارۋ ەرەجەسى مىناداي:

قۇتقارۋ شارتىنا ۇيلەسەتىن سالماقتى ناۋقاستار مەن وتباسىلارى نوپوسى تۇرعان جەردەگى اۋدان ( قالا، رايون) دارەجەلى قىزىل كرەست قوعامىنا بارىپ ءوتىنىش ماتەريالدارىن الىپ، تالاپ بويىنشا تولتىرۋى كەرەك. ماتەريالدى نوپوسى تۇرعان اۋدان (قالا، رايون) العاشقى تەكسەرۋ، ايماقتىق (وبلىس، قالا) قىزىل كرەست قوعامى قايتا تەكسەرۋ، شينجياڭ قىزىل كرەست قور قوعامى سوڭعى تەكسەرۋدەن وتكىزىپ جاريالاعاننان كەيىن كومەك بەرىلەدى؛

قۇتقارۋ - كومەكتەسۋ قارجىسى ءبىر جولدا تاراتىلادى، ۇقساس ءبىر سالماقتى ناۋقاسقا شالدىققان وتباسى تەك ءبىر رەت عانا الادى. جولداعان ماتەريالداردا جاسىرۋ، جالعاننان جاساۋ قاتارلى ارەكەتتەر بولسا، بايقالعان زامان قۇتقارۋ – كومەكتەسۋ كۇشىنەن قالدىرىلادى؛ قۇتقارۋ – كومەكتەسۋ قاراجاتىن الىپ بولعانداردان بارلىق قۇتقارۋ سوماسى قايتارىپ الىنادى، ءىسى اۋىر بولسا، زاڭ بويىنشا زاڭدىق جاۋاپكەرشىلىك قۋزاستىرىلادى؛

بۇرىنعى جىلدارى قىزىل كرەست جۇيەسىنىڭ قۇتقارۋ – كومەكتەسۋىن قابىلداعان سالماقتى ناۋقاستار وسى رەتكى قۇتقارۋ – كومەكتەسۋ كولەمىنە كىرمەيدى.

ۇعىسۋعا قاراعاندا، ”مەيىرلى تيانشان، سالماقتى ناۋقاسقا قامقورلىق جاساۋ“ نىسانىن شينجياڭ قىزىل كرەست قور قوعامىنىڭ نىسان ءبولىمى جاۋاپتى بولىپ اتقارعان، ءارقايسى ايماقتىق (وبلىس، قالا) قىزىل كرەست قوعامى سايكەسىپ اتقارعان. قور قوعامى قوعامنىڭ نىساننىڭ اتقارىلۋىن باقىلاۋىن قارسى الادى، قارجىنىڭ ۇيلەسىمدى پايدالانىلۋىنا كەپىلدىك ەتەدى. ەگەر تۇسىنبەيتىن ىستەرىڭىز بولسا، نوپوسىڭىز تۇرعان جەردەگى قىزىل كرەست قوعامىمەن بايلانىس جاساپ ۇعىسۋىڭىزعا بولادى، قيىنشىلىعى بار سالماقتى ناۋقاسقا شالدىققان وتباسىلارىنا كوپ بولىپ كومەكتەسىڭىزدەر.

كەلۋ قاينارى: حالىق تورابى