شينجياڭنىڭ باسىم كوپ جەرىندە بيىلعى جاز باسىنان بەرگى ەڭ ىستىق اۋا رايى بولادى

ءتىلشىنىڭ 7 ـ ايدىڭ 14 ـ كۇنى شينجياڭ اۋا رايى ستانسياسىنان ۇعىسۋىنشا، 7 ـ ايدىڭ 15 ـ كۇنىنەن 21 ـ كۇنىنە دەيىن شينجياڭنىڭ باسىم كوپ جەرىندە جاز باسىنان بەرگى ەڭ كۇشتى جوعارى تەمپەراتۋرا بارىسى بولادى، بۇكىل شينجياڭنىڭ جازىق رايوندارىنىڭ باسىم كوپ جەرىندە تەمپەراتۋرا 37 سەلتسي گرادۋستان جوعارى بولادى، مۇنىڭ ىشىندە ىلە اڭعارىنىڭ باتىس بولەگى، بۇراتالا موڭعۇل اۆتونوميالى وبلىسىنىڭ شىعىس بولەگى، تارباعاتاي ايماعى، التاي ايماعى، قارامايلى قالاسى، شىحىزى قالاسى، ءۇرىمجى قالاسى، سانجى حۇيزۋ اۆتونوميالى وبلىسى، قاشقار ايماعى، حوتان ايماعى، اقسۋ ايماعىنىڭ وڭتۇستىك بولەگى، بايىنعولىن موڭعۇل اۆتونوميالى وبلىسى، تۇرپان قالاسى، قۇمىل قالاسى قاتارلى جەرلەردىڭ باسىم كوپ ساندى وڭىرلەرىنىڭ ەڭ جوعارى تەمپەراتۋراسى 40 سەلتسي گرادۋستان اسادى، تۇرپان قالاسىنىڭ، قۇمىل قالاسىنىڭ ءىشىنارا جەرلەرىندە تەمپەراتۋرا 45 سەلتسي گرادۋستان اسادى. ەڭ كۇشتى جوعارى تەمپەراتۋرا 7 – ايدىڭ 19 – كۇنىنەن 20 – كۇنگە دەيىن جالعاسادى.

ءۇرىمجى قالاسىندا 7 – ايدىڭ 20 – كۇنى تەمپەراتۋرا ەڭ جوعارى بولادى، قالا رايونىنداعى ەڭ جوعارى تەمپەراتۋرا مەجەمەن 38 دە 40 سەلتسي گرادۋسقا جەتەدى، قالانىڭ سولتۇستىك ٴوڭىرىنىڭ تەمپەراتۋراسى 41 دە 43 سەلتسي گرادۋسقا جەتەدى.

كەلۋ قاينارى: حالىق تورابى