بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.07.16 15:04 كەلۋ قاينارى : حالىق تورابى
حالىق گازەتىنىڭ 7 – ايدىڭ 16 – كۇنى بەيجيڭنەن بەرگەن حابارى. ءتىلشىنىڭ 7 - ايدىڭ 15 - كۇنى ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسىنەن ۇعىسۋىنشا، ازامات جاسىنا تولماعانداردى توراپتا قورعاۋدى كۇشەيتىپ، تاماشا توراپ ورتاسىن جاراتۋ ءۇشىن، ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسى تاياۋدا ۇقتىرۋ باسىپ تاراتىپ، بۇكىل ەل كولەمىندە 2 ايعا جالعاسقان ”چيڭلاڭ 2025 - جىلعى جازدىق دەمالىستاعى ازامات جاسىنا تولماعانداردىڭ توراپ ورتاسىن وڭاۋ“ ارناۋلى قيمىلىن ورىستەتۋدى ورنالاستىردى. ارناۋلى ارەكەت جونگە سالۋدىڭ تەرەڭدىگى مەن كولەمىن ونان ارى كەڭەيتىپ، توراپتا ازامات جاسىنا تولماعانداردىڭ دەنساۋلىعىنا زيان جەتكىزەتىن جانە ىقپال جاسايتىن ماسەلەلەر مەن بىلىقپالىقتاردى ۇزدىكسىز ىشكەرىلەي جونگە سالىپ، ازامات جاسىنا تولماعاندارعا باعىتتالعان زاڭعا قايشى قىلمىستىق ارەكەتتەرگە قاتاڭ سوققى بەرەدى.
وسى رەتكى ارناۋلى قيمىل نازاردى ءتۇرلى جاڭا جاعدايلارعا، جاڭا بەينەلەرگە شوعىرلاندىرىپ، ينتەرنەتتە زيانكەستىك ىستەۋ ارەكەتى، زاڭعا قايشى، ناشار ينفورماتسيالاردى جاسىرىن تاراتۋ، جەلىدەن تىس قاتەرلى قيمىلدارعا قاتىناسۋعا شىرعالاۋ، ازامات جاسىنا تولماعانداردىڭ وبرازىنان پايدالانىپ پايدا تابۋ قاتارلى 4 جاقتاعى ماسەلەنى جونگە سالادى. ارناۋلى جونگە سالۋمەن بىرگە، ينتەرنەت حاۋىپسىزدىگى جانە ينفورماتسيالاندىرۋ تاراۋلارى ازامات جاسىنا تولماعاندار ۇلگىسىنىڭ پايدالانىلۋ جاعدايى، سونداي ـ اق مازمۇن قۇرىلىسىندا ورىن تەۋىپ وتىرعان ماسەلەلەر، بالالاردىڭ زەردەلى جابدىقتارىنىڭ مازمۇنىنىڭ حاۋىپسىزدىگى، سونداي ـ اق فۋنكسيالىق ولشەمى قاتارلى جاعدايلارعا ءتۇيىندى تۇردە نازار اۋدارادى. ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسىندەگى قاتىستى جاۋاپتى جولداس بىلاي دەدى: ارناۋلى قيمىلدى ورىستەتۋ — ينتەرنەت كەڭىستىگىن تازارتۋدىڭ، ازامات جاسىنا تولماعانداردىڭ اقاۋسىز ەسەيىپ ـ ەرجەتۋىن قورعاۋدىڭ پارمەندى كەپىلى.
كەلۋ قاينارى: حالىق تورابى
