30 يۋاندى ۇنەمدەۋ ءۇشىن ءوزىن وفيتسەرمىن دەپ مالىمدەگەن ادامعا ۇكىم شىعارىلدى 

كىشى – گىرىم پايداعا بولا زور زيان تارتۋ!

جۋىردا حىنان ولكەسى جييۋان قالالىق حالىق سوتى كورىنىس رايونىندا تەگىن ساياحاتتاۋ ءۇشىن جالعان وفيستەرلىك كۋالىكتەن پايدالانىپ بەلەت الۋدان جالتارعان 3 ادامنىڭ قىلمىستىق ىستەر بويىنشا جازالانعانى جونىندەگى دەلونى جاريالادى.

جياڭ X پەن كۇيەۋى لي XX كايفىڭدا اس – سۋ كاسىپورنىن اشاتىن، ”1 – مامىر“ مەرەكەسىنىڭ دەمالىسى مەزگىلىندە، ەكەۋى اسحانانىڭ قىزمەتكەرى جاڭ X پەن بىرگە سانشيدەن كايفىڭگە قايتىپ ورالعان جولدا اياق استىنان جييۋان قالاسىنداعى جيدۋ بۇتحاناسىنا بارىپ ساياحاتتاۋ بەكىمىنە كەلەدى. ەسىك بەلەتى 30 يۋان ەكەنىن بىلگەن سوڭ، ۇشەۋى ”وفيتسەرلىك“ كۋالىكتەرىن كورسەتىپ، اسكەري قىزمەتكەر سالاۋاتىمەن كورىنىس رايونىنا تەگىن كىرەدى. كورىنىس رايونىنان شىعاتىن كەزدە ءىس - ارەكەتتەرى اسكەريلەردەن وزگەشە بولعاندىقتان، جۇرتشىلىق ولاردى اشكەرەلەيدى، سوڭىنان حالىق ساقشىلارى تەكسەرۋ ارقىلى ولاردىڭ كۋالىكتەرىنىڭ جالعان ەكەنىن انىقتايدى.

تەكسەرۋگە قاراعاندا، لي XX كەزىندە 300 يۋانعا جالعان وفيتسەرلىك كۋالىكتەن ۇشەۋىن ساتىپ العان، ۇشەۋى دەلو انىقتالىپ ۇستالعانعا دەيىن تالاي رەت وسى كۋالىكپەن باسقارۋى بوساڭسىعان كورىنىس رايوندارىندا تەگىن ساياحاتتاعان. ەڭ سوڭىندا جييۋان قالالىق حالىق سوتى اسكەريلەردىڭ اتىن جامىلىپ الدامكوستىك ىستەۋ قىلمىسى بويىنشا جياڭ X پەن جاڭ X تى ءۇش ايلىق قاماۋعا الۋ جازاسىنا ۇكىم ەتىپ، جازانى التى اي كەشەۋىلدەتىپ اتقاراتىن بولعان، لي XX تى باسقا دەلو بويىنشا ءبىر جاقتى ەتكەن.

سوتشى مىنانى ەسكەرتەدى: اسكەريلەرگە تيىمدىلىك جاساۋ قوعامداعىلاردىڭ اسكەريلەرگە جاساعان قۇرمەتى، اسكەريلەردىڭ اتىن جامىلۋ قىلمىستىق ىستەر زاڭىنا قايشىلىق جاساعاندىق سانالادى، مۇنداي ارەكەت وتكىزگەندەر زاڭ بويىنشا جازالانادى، كىشى – گىرىم پايداعا بولا بىلە تۇرا زاڭعا قايشى كەلمەگەنىڭىز ءجون.

اسكەريلەردىڭ ۇقىعىنا قول سۇعۋعا بولمايدى،

اسكەريلەردىڭ وبىرازىنا داق سالۋعا بولمايدى.

كەلۋ قاينارى: حالىق تورابى