ءۇندىستان اۆياتسيا سەرىكتەستىگىنىڭ ۇشاعىنىڭ قارا قوبديشاسى اۋە شىرعالاڭىنىڭ تىكەلەي سەبەبىن انىق كورسەتتى

باس ستانسيا ءتىلشىنىڭ جەرگىلىكتى ۋاقىت بويىنشا 7 – ايدىڭ 16 – كۇنى ۇعىسۋىنشا، ا ق ش جاقتىڭ العاشقى قادامدا تەكسەرىپ ساراپتاۋ مالىمەتىنە قاراعاندا، ءۇندىستان اۆياتسيا سەرىكتەستىگىنىڭ شىرعالاڭعا ۇشىراعان ۇشاعىنىڭ قارا قوبديشاسىندا ەستەلىككە الىنعان داۋىستارعا نەگىزدەلگەندە، ۇشقىشتار باستىعى ەكى موتوردى جانارمايمەن قامدايتىن ايىرىپ – قوسقىشتى جاۋىپ تاستاعان، بۇل ۇشاقتىڭ قۇلاۋىنىڭ تىكەلەي سەبەبى بولۋى مۇمكىن.

اتالعان دىبىس ەستەلىگىندە ەكى ۇشقىش اراسىنداعى سويلەسكەن سوزدەر ەستەلىككە الىنعان، قازىر تەكسەرۋدىڭ باستى ءتۇيىنى تەحنيكالىق كىلتيپاننان ۇشقىشتاردىڭ قاتە مەڭگەرۋىنە قاراي ويىسقان.

ءۇندىستان اۆياتسيا سەرىكتەستىگى بۇل جونىندە ءالى جاۋاپ قايتارماعان، بۇل اقپاراتتى اتالعان سەرىكتەستىك ءالى راستاماعان.

جەرگىلىكتى ۋاقىت بويىنشا 6 – ايدىڭ 12 – كۇنى تۇستەن كەيىن، ءۇندىستاننان انگلياعا ۇشقان ءۇندىستان اۆياتسيا سەرىكتەستىگىنىڭ بوين 787-8 ءتيپتى جولاۋشىلار ۇشاعى ءۇندىستاننىڭ گۋجارات شتاتىنداعى احمەداباد اۋەجايىنان ۇشقان سوڭ، كوپ وتپەي قۇلاپ، ۇشاقتاعى جانە جەردەگى ادامداردان جيىنى 270 نەشە ادام قازا بولعان. ۇشاقتاعى ەكى قارا قوبديشا تۇگەلدەي تابىلعان. بۇل بوين 787 ءتيپتى ۇشاعىنىڭ تۇڭعىش رەت اۋىر اۋە شىرعالاڭىنا ۇشىراۋى، كوپ ەل ارناۋلى ۇيىرمەلەر جىبەرىپ، تەكسەرۋ قىزمەتىنە سايكەسكەن.

كەلۋ قاينارى: حالىق تورابى