ءتىلشىنىڭ اسپاپتارىن شاعىپ تاستاعان شيە XX قىلمىستىق ىستەر بويىنشا قاماۋعا الىنعان 

حۋنان ولكەسىندە ساقشى جاق سۇحبات العان ءتىلشىنىڭ اسپاپتارىن شاعىپ تاستاۋ وقيعاسى جونىندە حابارلاندىرۋ شىعاردى، ىسكە قاتىستى ادامدى قىلمىستىق ىستەر بويىنشا قاماۋعا العان.

حۋنان ولكەسى شياڭجياڭ جاڭا رايوندىق قوعام حاۋىپسىزدىگى مەكەمەسى 7 – ايدىڭ 15 – كۇنى كەشتە حاۋىپتى جاعداي جونىندە حابارلاندىرۋ شىعارعان، حابارلاندىرۋعا قاراعاندا، 7 – ايدىڭ 15 – كۇنى تۇستەن بۇرىن ساعات 11 دەن 28 مينۋت وتكەندە، حۋنان ولكەسى شياڭجياڭ جاڭا رايوندىق قوعام حاۋىپسىزدىگى مەكەمەسىنىڭ 110 قىزمەتى ساقشىعا مالىمدەۋدى قابىلداعان، مالىمدەۋگە قاراعاندا، حۋنان فىڭشۇي كابەل شەكتى سەرىكتەستىگىندە حاۋىپتى جاعداي تۋىلعان، حالىق ساقشىلارى دەرەۋ ناق مايدانعا بارىپ ءبىر جاقتى ەتكەن.

تەكسەرۋگە قاراعاندا، 7 – ايدىڭ 15 – كۇنى تۇستەن بۇرىن ساعات 11 دەن 15 مينۋت وتكەندە، شيە XX (ەر، 42 جاستا، حۋنان فىڭشۇي كابەل شەكتى سەرىكتەستىگىنىڭ زاڭدىق ۋاكىلى) ولاردىڭ سەرىكتەستىگىنە بارىپ سۇحبات العان تىلشىمەن داۋلاسىپ قالعان. وسى بارىستا شيە XX ءتىلشىنىڭ كوز اينەگى، كەسكىنگە الۋ اسپاپتارى قاتارلى زاتتارىن شاعىپ تاستاعان.

شيە XX باسقالاردىڭ مال – مۇلكىن قاساقانا قيراتۋ قىلمىسى كۇمانىنا شاتىلعاندىقتان، قازىر قوعام حاۋىپسىزدىگى ورگاندارى قىلمىستىق ىستەر بويىنشا قولعا العان، دەلو ىشكەرىلەي تەكسەرىلۋدە.

كەلۋ قاينارى: حالىق تورابى