7 – كەزەكتى جۇڭگو شينجياڭ حالىقارالىق ۇلتتار ءبي فەستيۆالى باستالدى 

حالىق گازەتىنىڭ ءتىلشىسى لي يانان 7 – ايدىڭ 20 – كۇنى ۇرىمجىدەن حابارلايدى. 7 – ايدىڭ 20 – كۇنى كەشتە ”ءبي بيلەيىك“ اتتى تاقىرىپتىق مۋزيكانىڭ تانىس ىرعاعى شينجياڭ حالىق قۇرىلتايى سارايىندا اۋەلەپ، 7 – كەزەكتى جۇڭگو شينجياڭ حالىقارالىق ۇلتتار ءبي فەستيۆالى باستالدى. ءبي مەرەكەسى مەزگىلىندە، جۇڭگو مەن شەتەلدەن كەلگەن 24 كوركەمونەر ۇيىرمەسى شينجياڭداعى ءار ۇلت كورەرمەندەرىنە 52 رەت ويىن قويادى.

وسى رەتكى ءبي فەستيۆالىندا قازاقستان، قىرعىزستان، تاجىكستان قاتارلى 8 مەملەكەتتىڭ كوركەمونەر ۇيىرمەلەرى، سونداي – اق، ورتالىق بالەت ءبيى ۇيىرمەسى، شينجياڭ كوركەمونەر تەاترحاناسىنىڭ مۇقام كوركەمونەر ۇيىرمەسى قاتارلى ەل ىشىندەگى 16 ۇيىرمە ويىن قويۋعا قاتىناسىپ، ءبي تەاترى، وپەرا، بالەت ءبيى، وسىزامان ءبيى قاتارلى ءتۇرلى كوركەمونەر فورمالارى بويىنشا ويىن قويادى.

وسى رەتكى ءبي فەستيۆالىندا كونسەرتتە ءۇرىمجى قالاسى باستى ويىن قويۋ ورنى، ىلە قازاق اۆتونوميالى وبلىسى، حوتان ايماعى، اقسۋ ايماعى، قارامايلى قالاسى، قۇمىل قالاسى، ارال قالاسى بولىمشە ويىن قويۋ ورىندارى بولادى، قيمىل 8 – ايدىڭ 5 – كۇنىنە دەيىن جالعاسادى.

جۇڭگو شينجياڭ حالىقارالىق ۇلتتار ءبي فەستيۆالىن مادەنيەت جانە ساياحات مينيسترلىگى، مەملەكەتتىك كەڭەستىڭ اقپارات كەڭسەسى، شينجياڭ ۇيعۇر اۆتونوميالى رايوندىق حالىق ۇكىمەتى ۇيىمداستىرعان، مادەنيەت جانە ساياحات مينيسترلىگى ءتۇيىندى تۇردە قولداۋ كورسەتەتىن شەتەلمەن مەملەكەت دارەجەلى مادەني اۋىس – كۇيىس جاساۋ تەكشەلەرى مەن ايگىلى ماركالى نىسانداردىڭ ءبىرى رەتىندە، 2008 – جىلدان قازىرگە دەيىن 6 رەت وتكىزىلگەن.

كەلۋ قاينارى: حالىق تورابى