شىلدەنىڭ شىلىڭگىر ىستىعى باستالدى، وسى اپتادا بۇكىل شينجياڭنىڭ كوپ جەرىندە جالعاستى شىلىڭگىر ىستىق بولادى

7 ـ ايدىڭ 20 ـ كۇنى، شينجياڭ 30 كۇندىك شىلدەنىڭ شىلىڭگىر ىستىعىنا قادام تاستادى. نازار اۋدارۋعا تاتيتىنى، بيىل شىلدەنىڭ شىلىڭگىر ىستىعىندا (7 – ايدىڭ 20 – كۇنىنەن 8 – ايدىڭ 18 – كۇنىنە دەيىن) سوڭعى 10 جىلداعى ”شىلدەنىڭ شىلىڭگىر ىستىعىنىڭ 40 كۇنگە جالعاسۋ“ داعدىسى بۇزىلدى. اۋا رايى ماماندارى بىلاي دەپ اتاپ كورسەتتى: شىلدەنىڭ شىلىڭگىر ىستىعىنىڭ ۇزىن - قىسقالىعى مەن شىلىڭگىر ىستىق دارەجەسىنىڭ تىكەلەي بايلانىسى جوق، 30 كۇندىك ”قىسقا شىلىڭگىر ىستىقتا“ ەرەكشە شىلىڭگىر ىستىق بولۋى دا مۇمكىن. وسى اپتادا جوعارى تەمپەراتۋرالى ىستىق اعىس بۇكىل شينجياڭنىڭ اۋا رايى ساحناسىنىڭ باس كەيىپكەرى بولادى. شينجياڭ اۋا رايى ستانسياسى مىنانى ەسكەرتتى: شىلدەنىڭ شىلىڭگىر ىستىعىنىڭ رەسمي باستالۋىنا بايلانىستى، بۇكىل شينجياڭنىڭ جەر ـ جەرى ۇزاق ۋاقىتقا جالعاساتىن شىلىڭگىر ىستىق پەن ءىشىنارا جەرلەردەگى كۇشتى اۋا رايىنا توتەپ بەرۋدىڭ قوس قابات دايىندىعىن ويداعىداي ىستەپ، جازعى دەمالىستى حاۋىپسىز وتكىزۋگە كەپىلدىك ەتۋى كەرەك.

الدىن الا مالىمەتتە كورسەتىلۋىنشە، 7 – ايدىڭ 21 – كۇنىنەن 23 - كۇنىنە دەيىن شىعىس شينجياڭ مەن ىلە اڭعارىنىڭ باتىس بولەگى، تيانشان تاۋىنىڭ سولتۇستىك بەتكەيى، وڭتۇستىك شينجياڭ ويپاتىنىڭ ءىشىنارا وڭىرلەرىندە جالعاستى 35 تە 37 سەلتسي گرادۋس ىستىق بولادى، تۇرپان قالاسىنىڭ، قۇمىل قالاسىنىڭ ءىشىنارا جەرلەرىندە 40 سەلتسي گرادۋستان جوعارى ىستىق بولادى، تۇرپان قالاسىنىڭ ءىشىنارا جەرلەرىندە 45 سەلتسي گرادۋستان اسادى. 7 - ايدىڭ 24 - كۇنىنەن 27 - كۇنىنە دەيىن، ىستىق اعىس ونان ارى ۇدەي تۇسەدى ءارى جازىق وڭىرلەردىڭ كوپ ءبولىم جەرىن قامتيدى، بۇكىل شينجياڭنىڭ جازىق وڭىرلەرىنىڭ باسىم كوپ جەرىندە 35 تە 37 سەلتسي گرادۋس ىستىق بولادى، مۇنىڭ ىشىندە وڭتۇستىك شينجياڭ ويپاتى، شىعىس شينجياڭنىڭ كوپ ءبولىمى جانە سولتۇستىك شينجياڭنىڭ ءىشىنارا وڭىرلەرىندە 40 سەلتسي گرادۋستان اسادى، تۇرپان قالاسى، قۇمىل قالاسىنىڭ ءىشىنارا وڭىرلەرىندە 45 سەلتسي گرادۋستان اسادى. وسى اپتانىڭ سوڭىندا ءۇرىمجى قالاسىنىڭ قالا رايونىنىڭ باسىم كوپ جەرىندە 35 سەلتسي گرادۋستان جوعارى ىستىق بولادى، قالانىڭ سولتۇستىگىنەن گانچۋانباۋ رايونىنىڭ ءىشىنارا جەرلەرىندە دەيىن اۋا تەمپەراتۋراسى 40 سەلتسي گرادۋستان اسادى.

ءۇرتىس جالعاسقان جوعارى تەمپەراتۋراعا بايلانىستى، وسى اپتادا ەكى رەت كورنەكتى جاۋىن - شاشىن بارىسى بولادى. 7 - ايدىڭ 21 - كۇنىنەن 23 - كۇنىنە دەيىن، وڭتۇستىك شينجياڭنىڭ باتىس بولىگىندەگى تاۋلى وڭىرلەردە، سولتۇستىك شينجياڭنىڭ باتىس بولىگىندە جانە تارباعاتاي ايماعى، التاي ايماعى، تيانشان تاۋلى وڭىرلەرىندە، كۇنلۇن تاۋىنىڭ سولتۇستىك بەتكەيى، اقسۋ ايماعى، قۇمىل قالاسىنىڭ سولتۇستىك بولىگى قاتارلى جەرلەردەگى تاۋلى وڭىرلەردىڭ ءىشىنارا جەرلەرىندە تولاسسىز سەبەزگى جاڭبىر جاۋادى (بيىك تاۋلى وڭىرلەردە قار جاۋادى)، جوعارىدا ايتىلعان ءىشىنارا جەرلەردە قالىڭ جاڭبىر جاۋادى، ءىشىنارا جەرلەردە نوسەر جاۋادى؛ سولتۇستىك شينجياڭنىڭ سولتۇستىگى، بايىنعولىن وبلىسىنىڭ وڭتۇستىگى، شىعىس شينجياڭنىڭ ءىشىنارا وڭىرلەرىندە باتىس سولتۇستىكتەن 5 بال اينالاسىندا جەل سوعادى، جەل وتتەرىندە 9 دا 10 بالعا جەتەدى. وڭتۇستىك شينجياڭداعى ويپاتتاردىڭ شىعىس بولەگىندە قيىس شىعىستان 5 بال اينالاسىندا جەل سوعادى، ءىشىنارا جەرلەردە قۇمدى بوران سوعادى. 7 – ايدىڭ 24 – كۇنىنەن 26 – كۇنىنە دەيىن ىلە اڭعارى، تيانشان تاۋلى رايونى، وڭتۇستىك شينجياڭنىڭ باتىس بولەگىندەگى تاۋلى رايون، اقسۋ ايماعىنىڭ باتىس بولەگىندەگى تاۋلى رايون، كۇنلۇن تاۋىنىڭ سولتۇستىك بەتكەيى قاتارلى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى (بيىك تاۋلى رايونداردا قار جاۋادى)، جوعارىدا ايتىلعان تاۋلى رايونداردىڭ ءىشىنارا جەرلەرىندە قالىڭ جاڭبىر جاۋادى، ءىشىنارا جەرلەردە نوسەر جاۋادى. ءۇرىمجى قالاسىندا جۇما كۇنى وتكىنشى جاڭبىر جاۋادى، وڭتۇستىك قالا ماڭى مەن تاۋلى وڭىرلەردە سەبەزگى جاڭبىر جاۋادى.

كەلۋ قاينارى: حالىق تورابى