تۇرعىن ءۇي مايلاۋ جونىندەگى جاڭا بەلگىلەمەدە قانداي شەشۋشى تۇيىندەر ايتىلعان؟ ماماندار تۇسىنىك بەردى 

«تۇرعىن ءۇي مايلاۋ ەرەجەسى» جۋىردا بەكىتۋدەن ءوتىپ جاريالاندى، 2025 – جىلى 9 – ايدىڭ 15 – كۇنىنەن باستاپ اتقارىلادى.

«ەرەجە» جيىنى 7 تاراۋدان 50 تارماقتان قۇرالعان، باستى بەلگىلەمەلەردىڭ مازمۇنى مىناداي:

بىرىنشىدەن، جالپى تالاپ ايقىندالعان. تۇرعىن ءۇي مايلاۋ بازارىن دامىتۋدا بازاردى جەتەكشى ەتۋ مەن ۇكىمەت جەتەكشىلىك ەتۋ ءوزارا ۇشتاستىرىلىپ، كوپ ءتۇرلى ارنالار ارقىلى مايعا بەرىلەتىن ۇيلەرمەن قامداۋ ارتتىرىلادى، بازارلاندىرىلعان، ارنايىلاندىرىلعان ءۇيدى مايعا بەرۋ كاسىپورىندارى جەتىلدىرىلەدى.

ەكىنشىدەن، مايعا بەرۋ – مايعا الۋ ارەكەتى جۇيەگە تۇسىرىلەدى. بەلگىلەمەدە مايعا بەرىلەتىن تۇرعىن ءۇي قۇرىلىس، ءورت ءوشىرۋ قاتارلى جاقتارداعى زاڭ – تۇزىمدەر مەن ەرەجەلەرگە جانە ءماجبۇرلى سيپاتتاعى ولشەمدەرگە ساي كەلۋى كەرەك، ادامنىڭ باس اماندىعى جانە دەنساۋلىعى قاتارلىلارعا زالال جەتكىزۋىنە بولمايدى.

ۇشىنشىدەن، تۇرعىن ءۇيدى مايعا بەرەتىن كاسىپورىندارىڭ ارەكەتى جۇيەگە تۇسىرىلەدى. تۇرعىن ءۇيدى مايعا بەرەتىن كاسىپورىندار ۇيگە قاتىستى ينفورماتسيانى شىن، دۇرىس، تولىق جاريالاۋى، تۇرعىن ءۇيدى مايعا بەرۋ ارحيۆىن تۇرعىزۋى، ىشكى جاقتاعى باسقارۋ تۇزىمدەرىن كەمەلدەندىرۋى كەرەك.

تورتىنشىدەن، دەلدالدىق قۇرىلىمداردىڭ ارەكەتى جۇيەگە تۇسىرىلەدى.

بەسىنشىدەن، باقىلاۋ – باسقارۋ كۇشەيتىلەدى.

التىنشىدان، جاۋاپكەرشىلىكتى قۋزاستىرۋ قاتاڭداستىرىلادى.

كەلۋ قاينارى: حالىق تورابى