17 ءتۇرلى جاڭا كاسىپ رەسمي جاريالاندى 

شينحۋا اگەنتتىگىنىڭ ءتىلشىسى ليۋ شياسۇن، جياڭ لين 7 – ايدىڭ 22 – كۇنى بەيجيڭنەن حابارلايدى. ءتىلشىنىڭ 7 – ايدىڭ 22 – كۇنى ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا، 17 ءتۇرلى جاڭا كاسىپ ءتۇرى، 42 ءتۇرلى جاڭا جۇمىس ءتۇرى رەسمي جاريالاندى.

مۇنىڭ ىشىندە، 17 ءتۇرلى جاڭا كاسىپ ءتۇرى مىنالاردى قامتيدى: ساراپتاۋ – تەكسەرۋ – باسقارۋ ينجەنەريا تەحنيگى، قارتتاردى كۇتىمدەۋ جاعىندا قىزمەت وتەۋشى، شەكارا اتتاعان ەلەكتروندىق ساۋدانى باسقارۋشى، ۇشقىشسىز ۇشاقتار شوعىرىن ۇشىرۋدى جوسپارلاۋشى، اشەكەيلەۋدى باسقارۋشى، جۇمىس ۇستىندە جارالانۋدان ساقتانۋ جاعىندا كەڭەس بەرۋشى، ەلەكتروندىق تىزبەكتى جوبالاۋشى، بولمە ءىشىن رەتكە سالۋشى، وتباسىلىق قىزمەت وتەۋ مەڭگەرۋشىسى، ەلەكتر قۋاتىنىڭ سەنىمدىلىگىن باسقارۋشى، ەلەكتر قۋاتىن توعىستىرىپ ىسكە قوسۋشى، اۋىل – قىستاقتاعى كوللەكتيۆتىك ەكونوميكا مەڭگەرۋشىسى، شاي ورنىندا پايدالاناتىن ونىمدەردى مانەرلەۋشى، كوفە مانەرلەۋشى، كومىرتەگى تالشىعىنان جاسالعان ونىمدەردى پىشىندەپ جاساۋشى، فەرريتتى ماگنيتتەردى جاساۋشى، بولات قۇرىلىمدى قۇراستىرۋشى.

ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ كاسىپتىك قابىلەت قۇرىلىسى مەڭگەرمەسىنىڭ باستىعى ۋاڭ شياۋجۇننىڭ تانىستىرۋىنشا، وسى رەت جاريالانعان جاڭا كاسىپ تۇرلەرى مەن جاڭا جۇمىس تۇرلەرى جاڭا ساپالى وندىرگىش كۇش جاراتقان جۇمىستانۋداعى جاڭا ارنالاردى ايگىلەپ، جوعارى ساپالى تۇرمىستىڭ جاڭا جۇمىستانۋ ءورىسىن اشقانىنا كۋا بولدى، مۇندا جاڭا تەحنيكانىڭ قوزعاۋشى كۇشكە اينالۋى، جاڭا كاسىپ كۇيلەرىنىڭ جەبەۋى، جاڭا تۇتىنۋدىڭ جارىققا شىعۋى باستى ەرەكشەلىك بولدى.

كەلۋ قاينارى: حالىق تورابى