شينجياڭدا 500 مىڭ تۇياقتان استام قازاق قويى ناسىلدەندىرىلدى 

شينجياڭ گازەتىنىڭ 7 – ايدىڭ 22 – كۇنى ۇرىمجىدەن بەرگەن حابارى. انار بۇلت \ شينجياڭ گازەتىنىڭ ءتىلشىسى ما بويۇيدىڭ شينجياڭ مال شارۋاشىلىعى عىلىم – تەحنيكا شۋەيۋانىنان ۇعىسۋىنشا، شينجياڭ قازاق قويىنىڭ تۇقىمىن ناسىلدەندىرۋ جانە بۋدانداستىرىپ ساپالى تۇقىم جەتىلدىرۋ سالاسىندا كورنەكتى تابىسقا قول جەتكىزىپ، قازىرگە دەيىن 514 مىڭ تۇياقتان استام قازاق قويىن ناسىلدەندىرگەن، بۇدانداستىرۋ بارىسىندا العان ءتول 565 مىڭ تۇياقتان استام بولىپ، ەكونوميكالىق قۇنى جوعارى بولعان، شارۋالاردىڭ كىرىسىن 170 ميلليون يۋاننان استام ارتتىرعان.

قازاق قويى، باستىسى، شينجياڭداعى مال شارۋاشىلىعى رايوندارىندا باعىلادى، كەنەۋسىز جەم – شوپكە ءتوزىمدى، ءتۇرلى شارت – جاعدايعا شىدامدى بولۋ سىندى ەرەكشەلىكتەرگە يە. سونىمەن بىرگە، تۇقىم قۋالاۋ ەرەكشەلىگىنىڭ ىقپالىنا ۇشىراعاندىقتان، بۇل قوي سورتىنىڭ ەتى ءبىرشاما از، جەتىلۋى ءبىرشاما باياۋ، ماي قۇرامى ءبىرشاما جوعارى، وتە – موتە قۇيرىعى ۇلكەن، قۇيرىق مايىنىڭ ۇستايتىن مولشەرى ءبىرشاما جوعارى، جەم – ءشوپتى سارىپ ەتۋ مولشەرى ءبىرشاما كوپ، بازاردىڭ قاجەتىن وڭايشىلىقپەن قاناعاتتاندىرا المايدى، تۇقىم قۋالاۋ جولىمەن ناسىلدەندىرىپ، ساپاسىن جوعارىلاتۋدى قاجەت ەتەدى.

كەلۋ قاينارى: حالىق تورابى