ساۋدا ىستەرى مينيسترلىگى: ەۆروپا وداعىنىڭ رەسەيگە باعىتتالعان 18 – كەزەكتى جازالاۋ تىزىمدىگىنە جۇڭگونىڭ كاسىپورىندارى مەن فينانس قۇرىلىمدارىن قوسقانىنا باتىل قارسىلىق بىلدىرەمىز 

شينحۋا اگەنتتىگىنىڭ 7 – ايدىڭ 21 – كۇنى بەيجيڭنەن بەرگەن حابارى. ساۋدا مينسيترلىگى مالىمدەمەشىسىنىڭ 7 – ايدىڭ 21 – كۇنى ايتۋىنشا، ەۆروپا وداعى جۇڭگو جاقتىڭ تالاي رەت سويلەسۋىنە جانە قارسىلىق بىلدىرۋىنە قاراماستان، ءوز بىلگەنىنشە ىستەپ، رەسەيگە باعىتتالعان 18 – كەزەكتى جازالاۋ تىزىمدىگىنە جۇڭگونىڭ كەيبىر كاسىپورىندارىن جالعاستى قوسقان ءارى ”قيسىنسىز“ قىلمىستاردى تاعىپ جۇڭگونىڭ ەكى فينانس قۇرىلىمىن جازالاعان. جۇڭگو جاق بۇعان قاتاڭ نارازىلىق بىلدىرەدى، باتىل قارسىلىق بىلدىرەدى.

ءتىلشى بىلاي دەپ سۇرادى: 7 – ايدىڭ 18 – كۇنى ەۆروپا وداعى رەسەيگە باعىتتالعان 18 – كەزەكتى جازالاۋ تىزىمدىگىنە جۇڭگونىڭ كەيبىر كاسىپورىندارى مەن فينانس قۇرىلىمدارىن قوسقان. جۇڭگو جاق بۇل جونىندە قانداي پىكىر بىلدىرەدى؟ ساۋدا مينيسترلىگىنىڭ مالىمدەمەشىسى بۇل سۇراۋعا جوعارىداعىداي جاۋاپ قايتارعان.

مالىمدەمەشى بىلاي دەگەن: حالىقارالىق زاڭدا نەگىزى جوق، بىرلەسكەن مەملەكەتتەر ۇيىمىنىڭ حاۋىپسىزدىك القالار كەڭەسى ۇقىق بەرمەگەن سىڭار جاقتىلى جازالاۋعا جۇڭگو جاق ەجەلدەن بەرى قارسى تۇرىپ كەلەدى. ەۆورپا جاقتىڭ ارەكەتى جۇڭگو – ەۆروپا باسشىلارىنىڭ ورتاق تانىمىنىڭ رۋحىنا قايشى كەلەدى، جۇڭگو – ەۆروپا ەكونوميكا – ساۋدا قارىم – قاتىناسى مەن فينانس سەلبەستىگىنە اۋىر كەرى ىقپال جاسايدى. جۇڭگو جاق ەۆروپا جاقتى جۇڭگو كاسىپورىندارى مەن فينانس قۇرىلىمدارىن تىزىمدىككە قوسۋ سىندى قاتە ارەكەتىن دەرەۋ توقتاتۋعا قۋزايدى. جۇڭگو جاق قاجەتتى شارالاردى قولدانىپ، جۇڭگو كاسىپورىندارى مەن فينانس قۇرىلىمدارىنىڭ زاڭدى ۇقىق – مۇددەسىن باتىل قورعايدى.

كەلۋ قاينارى: حالىق تورابى