قۋانىشتى حابار! شينجياڭداعى تۋما جۇرەك اۋرۋىنا شالدىققان بالالاردىڭ اقىسىز قۇتقارۋدى ءوتىنىش ەتۋىنە بولادى

7 ـ ايدىڭ 23 ـ كۇنى شينجياڭ حۇڭشى قايىرىمدىلىق قور قوعامى جاڭا كەزەكتى ”جۇرەكتى قايتا جانداندىرۋ ءۇمىتى “ نىسانىن باستادى. شينجياڭ كولەمىندە، 0 جاستان 18 جاس ارالىعىنداعى وتباسىندا قيىنشىلىعى بار تۋما جۇرەك اۋرۋىنا شالدىققان بالالاردىڭ جەلىدە نەمەسە جەلىدەن تىسقارى تاسىلدەر ارقىلى وسى نىسانعا اقىسىز كومەك بەرۋدى ءوتىنىش ەتۋىنە بولادى.

تۋما جۇرەك اۋرۋى — بالالاردا ۇنەمى كەزىگەتىن، كوپ تۋىلاتىن اۋرۋ. كوپ ساندى ناۋقاستار وپەراتسيا ارقىلى ساۋىعادى، از ساندى كۇردەلى ناۋقاستار ەمدەۋ ارقىلى اۋرۋ بەلگىلەرىن ءونىمدى تۇردە جاقسارتادى. وتباسىندا قيىنشىلىعى بار تۋما جۇرەك اۋرۋىنا شالدىققان بالالاردى دەر كەزىندە ءونىمدى ەمدەۋ ءۇشىن 2021 ـ جىلى شينجياڭ حۇڭشى قايىرىمدىلىق قور قوعامى بۇكىل شينجياڭداعى تۋما جۇرەك اۋرۋىنا شالدىققان بالالارعا باعىتتاي وتىرىپ، ”جۇرەكتى قايتا جانداندىرۋ ءۇمىتى “ نىسانىنا جىلۋ جيناپ، تۋما جۇرەك اۋرۋى بار بالالاردى قۇتقارۋ ـ كومەكتەسۋ قيمىلىن باستادى.

بۇل رەتكى قۇتقارۋ نەگىزىنەن تۋما جۇرەك اۋرۋى دەپ دياگنوز قويىلعان، وپەراتسيا جاساپ ەمدەلۋگە ءتيىستى شينجياڭ نوپوسىنداعى نەمەسە شينجياڭدا تۇراقتى تۇراتىن ءارى قونىستانۋ كۋالىگى بار جاس وسپىرىمدەرگە باعىتتالدى. ناۋقاستىڭ وتباسى 6 نۇسقا ءوتىنىش ماتەريالىن دايىنداۋى كەرەك، مۇندا تولىق تولتىرىلعان «شينجياڭ حۇڭشى قايىرىمدىلىق قور قوعامىنىڭ تۋما جۇرەك اۋرۋىنا شالدىققان بالالارعا قارجىلاي كومەك بەۋ ءوتىنىش كەستەسى»، ناۋقاس بالانىڭ نوپوس داپتەرىنىڭ ءوز بەتىنىڭ كوبەيتىلگەن نۇسقاسى، ناۋقاس بالانىڭ زاڭدىق قامقورشىسى ەكى جاقتىڭ نوپوس داپتەرىنىڭ كوبەيتىلگەن نۇسقاسى جانە ازاماتتىق كۋالىگىنىڭ كوبەيتىلگەن نۇسقاسى، ناۋقاس بالانىڭ وسى جىلعى جۇرەك ۋلترا دىبىسىن تەكسەرۋ مالىمەتى قاعازى (اۋەلگى نۇسقاسى نەمەسە كوبەيتىلگەن نۇسقاسى بولسا دا بولادى)، بالانىڭ تاياۋ مەزگىلدەگى رەڭدى سۋرەتى، قىستاق كوميتەتى نەمەسە الەۋمەتتىك اۋماق بەرگەن وتباسى جاعدايى جونىندەگى تۇسىندىرمەنى قامتيدى.

”قۇتقارۋدى ءوتىنىش ەتكەن ناۋقاس بالالارعا وپەراتسيا جاساۋ، ەمدەۋ قاراجاتىن كوتەرۋدىڭ قاجەتى جوق، تەك جول جانە تۇرمىس قاراجاتىن عانا كوتەرسە بولدى.“ شينجياڭ حۇڭشى قايىرىمدىلىق قور قوعامىنىڭ قاتىستى جاۋاپتىسى بىلاي دەدى: قازىر قور قوعامى كوپ ءتۇرلى ارنالار ارقىلى قۇتقارۋعا ءتيىستى ناۋقاس بالالاردى ىزدەۋدە، قۇتقارۋدى ءوتىنىش ەتكەننەن كەيىن 3 اي ىشىندە ەمدەلمەسە، قارجىلاي كومەك بەرۋدەن باس تارتقان دەپ قارالادى.

تانىستىرۋعا قاراعاندا، كوپتەگەن A3 دارەجەلى شيپاحانالار ”جۇرەكتى قايتا جانداندىرۋ ءۇمىتى “ نىسانىنىڭ سەلبەسكەن شيپاحاناسى. بۇل نىسان اتقارىلعاننان بەرى، تۋما جۇرەك اۋرۋى مەن كەيىنگى تۋما جۇرەك اۋرۋىنا شالدىققان 600 دەن استام ناۋقاسقا كومەك قولىن سوزىپ، 5 ميلليون 900 مىڭ يۋاننان استام كومەك قارجى بەرگەن.

بيىل ”جۇرەكتى قايتا جانداندىرۋ ءۇمىتى “ نىسانى جۇرەك اۋرۋىنا شالدىققان 500 دەن استام ناۋقاستى قۇتقارادى. وپەراتسيا جاساۋ كورسەتكىشىنە ۇيلەسەتىن، وپەراتسيا جاساۋعا تۋرا كەلەتىن، ونىڭ ۇستىنە اتا - انالار ەمدەۋگە ماقۇل بولعان ناۋقاس بالالاردىڭ وتباسى شينجياڭ حۇڭشى قايىرىمدىلىق قور قوعامىنا تەلەفون بەرىپ، قۇتقارۋ ىستەرىنە قاتىستى اقىل - كەڭەس سۇراۋىنا بولادى: 8860072 - 0991.

كەلۋ قاينارى: حالىق تورابى