بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.07.24 16:30 كەلۋ قاينارى : حالىق تورابى
ءتىلشىنىڭ شينجياڭ اۋا رايى ستانسياسىنان ۇعىسۋىنشا، مەجەمەن 7 – ايدىڭ 24 – كۇنىنەن 28 - كۇنىنە دەيىن بۇكىل شينجياڭنىڭ باسىم كوپ جەرىندە جاز باسىنان بەرى قارايعى ەڭ ىستىق جوعارى تەمپەراتۋرا جالعاسادى، بۇل وسى ايدىڭ 15 - كۇنىنەن 20 - كۇنىنە دەيىنگى جوعارى تەمپەراتۋرا بارىسىمەن سالىستىرعاندا، سولتۇستىك شينجياڭ، شىعىس شينجياڭ جانە بايىنعولىن موڭعۇل اۆتونوميالى وبلىسىن قامتيدى، كولەمى ءتىپتى دە كەڭ، ءتىپتى دە ىستىق بولادى، ال وڭتۇستىك شينجياڭنىڭ باتىس بولەگىندە تاۋلى وڭىردەگى تولاسسىز جاۋىن - شاشىننىڭ ىقپالىنان جوعارى تەمپەراتۋرا ءبىرشاما ءالسىز بولادى.
مەجەمەن 7 – ايدىڭ 24 – كۇنىنەن 28 – كۇنى كۇندىزگە دەيىن، بۇكىل شينجياڭداعى باسىم كوپ جازىق رايونداردىڭ تەمپەراتۋراسى 37 سەلتسي گرادۋستان جوعارى بولادى، مۇنىڭ ىشىندە تۇرپان قالاسى، قۇمىل قالاسىنىڭ كوپ جەرى جانە ىلە اڭعارىنىڭ باتىس بولەگى، تارباعاتاي ايماعى، التاي ايماعىنىڭ باتىس وڭتۇستىك بولەگى، قارامايلى قالاسى، شىحىزى قالاسى، ءۇرىمجى قالاسى قاتارلى ورىنداردىڭ ءبىر ءبولىم رايوندارىندا ەڭ جوعارى تەمپەراتۋرا 40 سەلتسي گرادۋستان اسادى، تۇرپان قالاسىنىڭ، قۇمىل قالاسىنىڭ ءىشىنارا وڭىرلەرىنىڭ تەمپەراتۋراسى 45 سەلتسي گرادۋستان اسادى. ەڭ كۇشتى جوعارى تەمپەراتۋرا 7 – ايدىڭ 26 – كۇنىنەن 28 – كۇنىنە دەيىن بولادى.
ءۇرىمجى قالاسىندا 7 – ايدىڭ 27 – كۇنىنەن 28 – كۇنىنە دەيىن قاتتى ىستىق بولادى، قالا رايونىنىڭ ەڭ جوعارى تەمپەراتۋراسى 38 دە 40 سەلتسي گرادۋسقا شىعادى، قالانىڭ سولتۇستىگىندە 41 دە 43 سەلتسي گرادۋسقا شىعادى.
وسى رەتكى جوعارى تەمپەراتۋرا بارىسىندا ءىشىنارا جەرلەردە جاۋىن – شاشىن قاتارلاسادى، بۇگىن كۇندىزدەن باستاپ 7 - ايدىڭ 30 – كۇنىنە دەيىن وڭتۇستىك شينجياڭنىڭ باتىس بولەگىندەگى تاۋلى رايوندار، كۇنلۇن تاۋىنىڭ سولتۇستىك بەتكەيىندەگى ءىشىنارا وڭىرلەر مەن ىلە اڭعارى، تيانشان تاۋلى رايونى قاتارلى جەرلەردىڭ ءىشىنارا وڭىرلەرىندە تولاسسىز جاڭبىر جاۋادى، جوعارىدا ايتىلعان ءىشىنارا وڭىرلەردە ورتاشا، قالىڭ جاڭبىر جاۋادى، ءىشىنارا جەرلەردە نوسەر جاۋادى، قىسقا ۋاقىت كۇشتى جاۋىن - شاشىن، ناجاعايلى بوران، بۇرشاق قاتارلى كۇشتى كونۆەكسيالىق اۋا رايىنىڭ تۋىلۋ مۇمكىندىگى ءبىرشاما زور بولادى.
كەلۋ قاينارى: حالىق تورابى
