دۇنيە جۇزىلىك دەنساۋلىق ساقتاۋ ۇيىمىنىڭ ماماندارى چيكۇنگۋنيا قىزباسىنىڭ كۇرت تارالۋىنان ساقتانۋدى ەسكەرتتى 

دۇنيە جۇزىلىك دەنساۋلىق ساقتاۋ ۇيىمىنىڭ ماماندارى 7 – ايدىڭ 23 – كۇنى ماسا ارقىلى تارالاتىن چيكۇنگۋنيا قىزباسىنان ساقتانۋ تۋرالى ەسكەرتۋ جاريالاپ، ءار ەلگە توتەپ بەرۋگە دايىندىقتى ويداعىداي ىستەۋدى، ىندەتتىڭ كەڭ كولەمدى تارالۋىنان ساقتانۋدى ەسكەرتكەن.

سول كۇنى جەنەۆادا وتكىزىلگەن اقپار جاريالاۋ ماجىلىسىندە، دۇنيە جۇزىلىك دەنساۋلىق ساقتاۋ ۇيىمىنىڭ ناسەكومدار ارقىلى تارالاتىن ۆيرۋستارعا باعىتتالعان قىزمەت گرۋپپاسىنىڭ جاۋاپتىسى ديانا الۆارەزدىڭ ايتۋىنشا، قازىر 119 مەملەكەت پەن رايوندا چيكۇنگۋنيا ۆيرۋسى تارالعان، شامامەن 5 ميلليلون 500 مىڭ ادام ماسا ارقىلى تارالاتىن وسى ۆيرۋستىڭ قاتەرىنە ۇشىراعان، ونىڭ ۇستىنە، ىندەتتىڭ كەڭ كولەمدى تارالۋ ىقتيمالدىعى بار، بۇل دەنساۋلىق ساقتاۋ جۇيەسىنە اۋىر قىسىم جەتكىزۋى مۇمكىن.

الۆارەزدىڭ تانىستىرۋىنشا، شامامەن 20 جىلدىڭ الدىندا چيكۇنگۋنيا قىزباسى ىندەتى ءۇندى تەڭىزى الابىندا كەڭ كولەمدى تارالىپ، 500 مىڭداي ادامعا ىقپال جاساعان. جۇعىمدالعانداردىڭ كوبىندە قىزۋى ورلەۋ، بۋىندارى قاقساپ اۋرۋ، شارشاۋ قاتارلى شۇعىل اۋرۋ بەلگىلەرى بايقالعان، قازا بولۋ جاعدايى وتە از ۇشىراعان.

الۆارەزدىڭ ايتۋىنشا، جىل باسىنان بەرى ءۇندى تەڭىزىندەگى فرانسياعا قاراستى ءوڭىر رۋنيون ارالىنداعى جان سانىنىڭ شامامەن ۇشتەن ءبىرى چيكۋنگۋنيا ۆيرۋسىمەن جۇعىمدالعان بولۋى مۇمكىن؛ ءۇندىستان مەن بانگلادەش قاتارلى وڭتۇستىك ازياداعى مەملەكەتتەردە دە چيكۇنگۋنيا ۆيرۋسى تارالعان. مۇنان سىرت، فرانسيا، يتاليا قاتارلى ەۆروپاداعى ەلدەردە دە جۋىردا شەتەلدەن كەلگەندەر اراسىنان چيكۋنگۋنيا اۋرۋىمەن جۇعىمدالعاندار بايقالعان ءارى جەرگىلىكتى ورىندا تارالعانى بايقالعان.

الۆارەزدىڭ ايتۋىنشا، چيكۋنگۋنيا ۆيرۋسىن الىپ جۇرەتىن ماسالار ادەتتە كوبىنەسە ىستىق بەلدەۋدەگى مەملەكەتتەردە جاسايدى. دۇنيە جۇزىلىك دەنساۋلىق ساقتاۋ ۇيىمى قازىر مۇشە ەلدەرگە تاجىريبەحانادا دياگنوز قويۋ ءادىسىن زەرتتەۋ، ادامداردى تاربيەلەۋ، ەمدەۋ – دەنساۋلىق ساقتاۋ جۇيەسىن كۇشەيتۋ قاتارلى جاقتاردا كومەك كورسەتكەن ءارى چيكۋنگۋنيا قىزباسى ىندەتىنىڭ ىزىنە ءتۇسۋ ءارى تەجەۋ ءۇشىن تەكسەرۋ كولەمىن كەڭەيتكەن.

كەلۋ قاينارى: حالىق تورابى