ا ق ش دۇنيە جۇزىلىك وقۋ – اعارتۋ، عىلىم جانە مادەنيەت ۇيىمىنان شەگىنىپ شىعاتىنىن جاريالادى

ا ق ش مەملەكەت كەڭەسىنىڭ مالىمدەمەشىسى تاممي برۋستىڭ 7 – ايدىڭ 22 – كۇنى جاريالاۋىنشا، ا ق ش ب م ۇ – نىڭ وقۋ – اعارتۋ، عىلىم جانە مادەنيەت ۇيىمىنان شەگىنىپ شىعاتىن بولعان. بۇل ا ق ش – نىڭ اتالعان ۇيىمنان شەگىنىپ شىعاتىنىن ءۇشىنشى رەت جاريالاۋى.

برۋس جاريالاعان مالىمدەمەگە قاراعاندا، ا ق ش – نىڭ بۇل ۇيعارىمعا كەلۋىنىڭ سەبەبى — ”ب م ۇ – نىڭ وقۋ – اعارتۋ، عىلىم جانە مادەنيەت ۇيىمى بولشەكتەۋشىلىك سيپاتتى قوعامدىق جانە مادەنيەتتىك ىستەردى ىلگەرىلەتكەن، ب م ۇ – نىڭ باياندى دامۋ نىساناسىنا شەكتەن تىس نازار اۋدارعان، ا ق ش – ىن باستى ورىنعا قويۋ سىندى ديپلوماتيالىق ساياساتقا ساي كەلمەگەن“.

مالىمدەمەگە قاراعاندا، ب م ۇ – نىڭ وقۋ – اعارتۋ، عىلىم جانە مادەنيەت ۇيىمىنىڭ قاتىستى بەلگىلەمەلەرىنە ساي، ا ق ش – نىڭ اتالعان ۇيىمنان شەگىنىپ شىعۋى 2026 – جىلى 12 – ايدىڭ 31 – كۇنى كۇشكە يە بولادى.

ا ق ش وسىدان بۇرىن ەكى رەت ب م ۇ – نىڭ وقۋ – اعارتۋ، عىلىم جانە مادەنيەت ۇيىمىنان شەگىنىپ شىققان. 1984 – جىلى ا ق ش وقۋ – اعارتۋ، عىلىم جانە مادەنيەت ۇيىمىندا شىرىكتەسۋ جانە باسقارۋدىڭ بىلىعۋى قاتارلى ماسەلەلەر ساقتالىپ وتىر دەگەن سەبەپپەن اتالعان ۇيىمنان شەگىنىپ شىعاتىنىن جاريالاعان، الايدا 2003 – جىلى قايتادان ۇيىمعا كىرگەن. 2017 – جىلى 10 – ايدا ا ق ش تاعى ءبىر رەت وقۋ – اعارتۋ، عىلىم جانە مادەنيەت ۇيىمىنان شەگىنگەن. 2023 – جىلى اتالعان ۇيىمعا قايتىپ ورالعان.

كەلۋ قاينارى: حالىق تورابى