ءۇندىستان جۇڭگو ازاماتتارىنا ساياحات ۆيزاسىن اشۋدى قالپىنا كەلتىردى، سىرتقى ىستەر مينيسترلىگى جاۋاپ قايتاردى 

7 – ايدىڭ 23 – كۇنى، سىرتقى ىستەر مينيسترلىگىنىڭ مالىمدەمەشىسى گو جياكۇن كەزەكتى تىلشىلەردى قابىلداۋ ءماجىلىسىن باسقارىپ اشتى.

ءبىر ءتىلشى بىلاي دەپ سۇرادى: ءۇندىستان جاقتىڭ ايتۋىنشا، بيىل 7 – ايدىڭ 24 – كۇنىنەن باستاپ، اتالعان ەل جۇڭگو ازاماتتارىنا ساياحات ۆيزاسىن اشۋدى قالپىنا كەلتىرەتىن بولعان. بۇل ءۇندىستاننىڭ اراعا 5 جىل سالىپ، جۇڭگو ازاماتتارىنا ساياحات ۆيزاسىن اشۋدى قالپىنا كەلتىرۋى. سىرتقى ىستەر مينيسترلىگى بۇل جونىندە قانداي پىكىر بىلدىرەدى؟

گو جياكۇن مىنانى ءبىلدىردى: ”ءبىز بۇل يگى شاراعا نازار اۋداردىق. ادامداردىڭ بارىس – كەلىسىنە قولايلىلىق جاساۋدى ىلگەرىلەتۋ ەكى جاقتىڭ ورتاق مۇددەسىنە ساي كەلەدى. جۇڭگو جاق ءۇندىستان جاقپەن بايلانىس جاساۋدى جانە كەڭەسۋدى، ەكى ەل ادامدارىنىڭ بارىس – كەلىسىنە قولايلىلىق جاساۋ ورەسىن ۇزدىكسىز جوعارىلاتۋدى قالايدى.

كەلۋ قاينارى: حالىق تورابى