جۇڭگو اۋرۋدان ساقتانۋ جانە ونى تىزگىندەۋ ورتالىعى: چيكۇنگۋنيا قىزباسىنان ساقتانۋعا، ونى تىزگىندەۋگە، ەمدەۋگە بولادى 

جۇڭگو اقپارات اگەنتتىگىنىڭ ءتىلشىسى لي چۇن 7 – ايدىڭ 23 – كۇنى بەيجيڭنەن حابارلايدى. جۇڭگو مەملەكەتتىك دەنساۋلىق ساقتاۋ – سالاماتتىق كوميتەتى 7 – ايدىڭ 23 – كۇنى بەيجيڭدە اقپار جاريالاۋ ءماجىلىسىن اشقان. جۇڭگو اۋرۋدان ساقتانۋ جانە ونى تىزگىندەۋ ورتالىعىنىڭ زەرتتەرمەنى دۋان لەيلەيدىڭ ماجىلىستە اتاپ كورسەتۋىنشە، چيكۇنگۋنيا قىزباسىنان ساقتانۋعا، ونى تىزگىندەۋگە، ەمدەۋگە بولادى، ادامدار اراسىندا بىرىنەن – بىرىنە جۇعۋ جاعدايى بايقالماعان.

دۋان لەيلەيدىڭ ايتۋىنشا، جۋىردا جۇڭگونىڭ وڭتۇستىگىندەگى ءىشىنارا قالالاردا شەتەلدەن كەلگەندەر اراسىنان چيكۇنگۋنيا ۆيرۋسىمەن جۇعىمدالعاندار بايقالعان ءارى جەرگىلىكتى ورىندا تارالعان. چيكۇنگۋنيا قىزباسىنان ساقتانۋعا، ونى تىزگىندەۋگە جانە ەمدەۋگە بولادى، باستىسى، شىبار ماسانىڭ شاعۋى ارقىلى تارالادى، ادامدار اراسىندا بىرىنەن – بىرىنە جۇعۋ جاعدايى تۋىلماعان. بۇل اۋرۋدىڭ كلينيكالىق بەلگىلەرى: قىزۋى ورلەۋ، بۋىن سىرقىراپ اۋرۋ قاتارلىلار. ىندەت مەزگىلىندە جەرگىلىكتى ورىندار ماسانى جويۋ ارەكەتىن جەدەل ورىستەتۋى، ماسانى ازايتۋى كەرەك.

دۋان لەيلەيدىڭ ايتۋىنشا، كوپشىلىك جەكەلىك ساقتانۋدى ويداعىداي ىستەگەنى ءجون. كۇندىز سىرتقا شىققاندا سولعىن ءتۇستى ۇزىن جەڭدى جەيدە مەن سىم كيىپ، دەنەنىڭ اشىق جەرىنە ماسادان ساقتاناتىن ديەتل تولۋاميد (قىسقارتىلىپ دەت دەپ اتالادى) نەمەسە ديەتل فىتالات سىندى ماسانى جولاتپايتىن ونىمدەردى جاعىپ، اعاش ساياسى جانە ءشوپ اراسى سياقتى ماسا شوعىرلانعان جەرلەردە ۇزاق ايالداماعانى ءجون. وتباسىندا تورلى ەسىك، تورلى تەرەزە ورناتىپ، كەشتە ۇيىقتاعاندا ماسالىق پايدالانعان وڭ، قاجەت بولعان جاعدايدا ەلەكترلى ماسا ۇرعىش نەمەسە ماسا ىستاعىش سۇيىقتىقتان پايدالانىپ، ماسانى جويعان ءجون.

دۋان لەيلەي مىنانى ەسكەرتتى: ەگەر قىزۋى ورلەۋ، بۋىن سىرقىراپ اۋرۋ، بورتكەن شىعۋ قاتارلى جاعدايلار بايقالسا، وتە – موتە، ماسا شاققان سوڭ نەمەسە ىندەت تاراعان جەرلەرگە بارعان سوڭ وسىنداي جاعدايلار بايقالسا، دەرەۋ ەمدەلگەنىڭىز ءجون.

كەلۋ قاينارى: حالىق تورابى