«جۇڭحۋا حالىق رەسپۋبليكاسىنىڭ باعا زاڭىنا وزگەرىس ەنگىزۋ جوباسى» جونىندە اشىق پىكىر الىندى

شينحۋا اگەنتتىگىنىڭ 7 - ايدىڭ 24 – كۇنى بەيجيڭنەن بەرگەن حابارى. پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋلارىن دايەكتى تياناقتاندىرۋ ءۇشىن، مەملەكەتتىك دامۋ جانە رەفورما كوميتەتى، بازار باقىلاۋ - باسقارۋ باس مەكەمەسى «جۇڭحۋا حالىق رەسپۋبليكاسىنىڭ باعا زاڭىنا وزگەرىس ەنگىزۋ جوباسىن (پىكىر الۋ نۇسقاسى)» زەرتتەپ جازىپ، 7 - ايدىڭ 24 - كۇنى قوعامنان اشىق پىكىر الدى.

وزگەرىس ەنگىزىلگەن جوبا جيىنى 10 تارماق، باستىسى، ۇكىمەتتىڭ باعا بەلگىلەۋىنە قاتىستى مازمۇنداردى كەمەلدەندىرۋ، ورىنسىز باعا ارەكەتىن تۇراقتاندىرۋ ولشەمىن ونان ارى ايقىنداۋ، باعاعا قاتىستى زاڭعا قايشى ارەكەتتەردىڭ زاڭدىق جاۋاپكەرشىلىگىن كەمەلدەندىرۋ قاتارلى 3 جاقتاعى مازمۇنعا سايادى.

وسى رەتكى اشىق پىكىر الۋ ۋاقىتى 7 – ايدىڭ 24 – كۇنىنەن 8 – ايدىڭ 23 – كۇنىنە دەيىن. جۇرتشىلىق مەملەكەتتىك دامۋ جانە رەفورما كوميتەتىنىڭ تورابىنا (ww.ndrc.gov.cn) شىعىپ، ”پىكىر بەرۋ“ ارناۋلى ايدارىنا نەمەسە بازار باقىلاۋ - باسقارۋ باس مەكەمەسىنىڭ تورابىنا (http:/ww.samr.gov.cn) شىعىپ، ”پىكىر بەرۋ“ ارناۋلى ايدارىنا كىرىپ ۇسىنىس – پىكىر بەرۋىنە بولادى.

كەلۋ قاينارى: حالىق تورابى