”قىزىل ءتۇستى قۋعىنداۋ بۇيرىعى شىعارىلعان ءجۇز ادامنىڭ“ ءبىرى جوۋ جيڭحۋا ەلىمىزگە وتكىزىپ بەرىلدى 

جۋىردا ورتالىقتىڭ شىرىكتەسۋگە قارسى تۇرۋ قىزمەتىن سايكەستىرۋ گرۋپپاسىنىڭ حالىقارالىق قاشقىنداردى قۋعىنداۋ، قاراجاتتى قايتارىپ الۋ قىزمەتى كەڭسەسىنىڭ ءبىر تۇتاس سايكەستىرۋىندە، جۇڭگو مەن تايلاندتىڭ زاڭ اتقارۋ جانە ءادىليا جاقتارىندا سەلبەسۋىنىڭ ارقاسىندا، ”قىزىل ءتۇستى قۋعىنداۋ بۇيرىعى شىعارىلعان ءجۇز ادامنىڭ“ ءبىرى جوۋ جيڭحۋا تايلاندتان ەلىمىزگە وتكىزىپ بەرىلدى. بۇل ”الەمدىك تور جايۋ ارەكەتى“ باستالعاننان بەرى، ”قىزىل ءتۇستى قۋعىنداۋ بۇيرىعى شىعارىلعان ءجۇز ادامنىڭ“ ىشىندە 63 - بولىپ قولعا تۇسكەن قىلمىس كۇماندىسى.

جوۋ جيڭحۋا، ايەل، 1969 – جىلى 9 – ايدا تۋعان، ”قىزىل ءتۇستى قۋعىنداۋ بۇيرىعى شىعارىلعان ءجۇز ادامنىڭ“ تىزىمدىگىندە 26 – ءنومىرلى ورىندا، جۇڭگو يۇنتۇڭ (تايلاند) قارجىلاندىرۋ – كوركەيتۋ شەكتى سەرىكتەستىگىنىڭ ورىنباسار باس ديرەكتورى، قيانات جاساۋ قىلمىس كۇمانىنا شاتىلىپ، شەتەلگە قاشىپ تاسالانىپ، توڭمويىندىقپەن قارسىلاسقان، قىلمىسىن مويىنداۋدان باس تارتقان. 2012 – جىلى 9 – ايدا، حالىقارالىق قىلمىستىق ىستەر ساقشى ۇيىمى جوۋ جيڭحۋانىڭ ۇستىنەن قىزىل ءتۇستى قۋعىنداۋ بۇيرىعىن شىعارعان. جۇڭگو مەن تايلاندتىڭ قاتىستى تاراۋلارىنىڭ سايكەسۋىندە، ەكى جاق زاڭ اتقارۋ جانە ءادىليا جاقتارىندا سەلبەستىك ورناتىپ، 2025 – جىلى 7 – ايدا تايلاند جاق جوۋ جيڭحۋانى جۇڭگوعا وتكىزىپ بەرگەن.

ورتالىقتىڭ قاشقىنداردى قۋعىنداۋ كەڭسەسىنىڭ جاۋاپتىسىنىڭ ايتۋىنشا، جوۋ جيڭحۋانىڭ قولعا ءتۇسۋى ”قىزىل ءتۇستى قۋعىنداۋ بۇيرىعى شىعارىلعان ءجۇز ادامنىڭ“ ىشىندەگى ازياداعىلاردىڭ بارلىعىنىڭ ۇستالعانىن كورسەتەدى، بۇل ەلىمىزدىڭ حالىقتىڭ ۇقىق – مۇددەسىن قورعاۋ، زاڭنىڭ ابىرويىن قورعاۋ سىندى باتىل بەكىمى مەن بەرىك يراداسىن ايگىلەدى. ءبىز شىرىكتەسۋگە قارسى تۇرۋ جاعىنداعى حالىقارالىق سەلبەستىك تەبىنىن ۇزدىكسىز ارتتىرىپ، قاشقىنداردىڭ بارلىعىن قۋعىنداۋدى، سوڭىنا دەيىن قۋعىنداۋدى جالعاستىرىپ، قاشقىنداردىڭ ەڭ سوڭعىسىنا دەيىن قولعا تۇسىرمەي تىنبايمىز.

كەلۋ قاينارى: حالىق تورابى