ساقشى جاق پەن ەمحانا بىرلەسە ارەكەتتەنىپ، سۇر جىلان شاققان جىگىتتى قۇتقاردى 

7 – ايدىڭ 21 – كۇنى تۇستەن كەيىن ساعات 9 اينالاسىندا، چيڭحاي ولكەسى ۇلكەن سايدام اكىمشىلىك كوميتەتىنىڭ يۇيكا قىزمەت وتەۋ رايونىنداعى دۇكەن يەسى لي مىرزا قىزمەت وتەۋ رايونىنان ۋىتتى جىلاندى بايقايدى، ول جىلاننىڭ باسقالاردى شاعىپ الۋىنان الاڭداپ، جىلاندى ۇستاپ الماقشى بولادى. وسى بارىستا جىلان لي مىرزانىڭ ساۋساعىن شاعىپ الادى.

ىلە – شالا، لي مىرزا جىلاندى الىپ، ەمحاناعا بارىپ ەمدەلەدى، قولىنىڭ ساۋساعى كۇپ بولىپ ءىسىپ كەتەدى. ساقشى جاق ماماندارمەن حابارلاسىپ ساراپتاما جاساپ، ونى شاققان جىلاننىڭ ەرەكشە ۋىتتى اراسان سۇر جىلانى ەكەنىن تۇراقتاندىرادى. الايدا، جەرگىلىكتى ورىنداعى ەمحانادا جىلاننىڭ ۋىتىن قايتاراتىن سايكەستى قان سارىسۋى جوق بولعاندىقتان، 700 كيلومەترلىك شالعايداعى شينيڭعا جوتكەلىپ ەمدەلۋىنە تۋرا كەلەدى.

ساقشى جاق دەرەۋ شۇعىل جاعدايعا توتەپ بەرۋ مەحانيزمىن ىسكە قوسىپ، چيڭحاي داشۋەسىنىڭ قاراماعىنداعى ەمحانانى ناۋقاستى ەمدەۋگە دايىندالۋعا ورنالاستىرادى ءارى ساقشى اۆتوموبيىلىمەن شۇعىل قۇتقارۋ اۆتوموبيلىنە جول اشادى. ساعات 11 اينالاسىندا، شۇعىل قۇتقارۋ اۆتوموبيلى جولعا شىعىپ، ساعات 17 دە ناۋقاستى ەمحانانىڭ شۇعىل قۇتقارۋ عيماراتىنا جەتكىزەدى. ەمحانا جاق ەمدەۋگە الدىن الا دايىندالىپ بولعان، دەرەۋ جاسىل ءدالىز اشىپ، شۇعىل ەمدەۋگە كىرىسەدى.

قازىر لي مىرزانىڭ دەنساۋلىق جاعدايى ورنىقتى، جالعاستى ەمدەلۋدە. ونى شاعىپ العان اراسان سۇر جىلانى شينيڭ قالالىق جابايى حايۋاناتتار باقشاسىنا تاپسىرىلعان.

كەلۋ قاينارى: حالىق تورابى