استە جول بەرىلمەيدى! جۇڭگونىڭ جاپونيادا تۇراتىن باس ەلشىلىگى جاپونيا جاقپەن قاتاڭ سويلەستى 

7 – ايدىڭ 25 – كۇنى، تايۋان رايونىنىڭ سىرتقى ىستەر تاراۋىنىڭ جاۋاپتىسى لين جيالۇڭنىڭ شەكارادان كىرىپ تىمىسكىلەي ساپارلاپ بارعانىنا جاپونيا ۇكىمەتىنىڭ جول بەرگەنى جونىندە، جۇڭگونىڭ جاپونيادا تۇراتىن باس ەلشىلىگىنىڭ كىشى ەلشىسى شى يۇڭ جاپونيانىڭ سىرتقى ىستەر مينيسترلىگىنىڭ ازيا – تىنىق مۇحيت ىستەرى مەكەمەسىنىڭ باستىعى جينجيڭ جىڭجاڭمەن شۇعىل تۇردە قاتاڭ سويلەسكەن ءارى قاتاڭ قارسىلىق بىلدىرگەن.

ەلىمىز جاق مىنانى باسا دارىپتەگەن: تايۋان ماسەلەسى — جۇڭگونىڭ وزەكتى مۇددەلەرىنىڭ ىشىندەگى وزەكتىسى، ءبىر جۇڭگو پرينسيبى اتتاپ وتۋگە بولمايتىن قىزىل سىزىق، بۇل جاعىندا ساياسي ويىن ويناۋعا مۇلدە جول بەرىلمەيدى. جاپونيا ۇكىمەتى جۇڭگو جاقتىڭ وسى ىستەن بۇرىن تالاي رەت سويلەسكەنىنە قاراماستان، لين جيالۇڭنىڭ شەكارادان كىرىپ تىمىسكىلەپ ساپارلاي بارۋىنا قاسارىسا جول بەرىپ، ونىڭ جاپونيادا ”دەربەستەنۋدى“ كوزدەگەن سوقتىعۋ ارەكەتىمەن شۇعىلدانۋىنا تيداۋ سالماعان، جۇڭگو جاق بۇعان استە ءتوزىپ تۇرا المايدى، جاپونيا ۇكىمەتىنەن جۇڭگو مەن جاپونيانىڭ اراسىنداعى ءتورت ساياسي قۇجاتتىڭ رۋحى مەن تايۋان ماسەلەسى تۋرالى بەرگەن قاتاڭ ۋادەسىن بەرىك ساقتاۋدى تالاپ ەتەدى. جۇڭگو جاق الدا جاپونيا جاقتىڭ ارەكەتىنە نازار اۋدارىپ، سوعان قاراي كەلەسى قادامداعى شارالاردى بەلگىلەيدى.

كەلۋ قاينارى: حالىق تورابى