ەڭ ىستىق كۇندىز، ەڭ ىستىق ءتۇن! قۇلجادا 40.6 سەلتسي گرادۋسقا، تۇرپاندا 37.2 گرادۋسقا شىقتى

وسى ەكى كۇندە شينجياڭدا جاز باسىنان بەرگى ەڭ ىستىق اۋا رايى جارىققا شىقتى، ىستىقتان ءۇرتىس رەكورد جاڭالادى: سولتۇستىك شينجياڭداعى قۇلجا 40.6 سەلتسي گرادۋسقا شىعىپ، جەرگىلىكتى ورىننىڭ ەڭ جوعارى تەمپەراتۋراسى تاريحتاعى ەڭ جوعارى رەكوردتى جاراتتى، جۇڭگونىڭ ”ىستىق ۇيەگى“ دەگەن اتى بار تۇرپان 37.2 سەلتسي گرادۋسپەن جەرگىلىكتى ورىننىڭ تۇنگى تەمپەراتۋراسىنىڭ ەڭ جوعارى رەكوردىن جاڭالادى.

ورتالىق اۋا رايى ستانسياسى الەۋمەتتىك تەكشەسى جاريالاعان اۋا تەمپەراتۋراسىنىڭ ناقتى جاعدايىنا نەگىزدەلگەندە، 7 – ايدىڭ 26 – كۇنى بۇكىل ەل بويىنشا جوعارى تەمپەراتۋرا قاتارىنىڭ الدىڭعى 10 جەرىنىڭ قاتارىنا شينجياڭنان 7 جەر كىرگەن، توقسۇن 47.8 سەلتسي گرادۋسپەن 1 - ورىندى، ال قۇلجا قالاسى 40.6 سەلتسي گرادۋسپەن 13 – ورىندى يەلەگەن.

جۇڭگو اۋا رايى ارناسىنىڭ اۋا رايىنا تالداۋ جاساۋشىسى شينشين ميكرو بلوگىنىڭ تانىستىرۋىنشا، بۇل قۇلجا قالاسىنىڭ ەڭ جوعارى تەمپەراتۋراسى تۇڭعىش رەت 40 سەلتسي گرادۋسقا جەتىپ، جەرگىلىكتى ورىننىڭ باقىلاۋ تاريحىنداعى رەكوردىن بۇزعان، بۇرىنعى رەكورد 39.3 سەلتسي گرادۋس بولىپ، 2024 – جىلى 7 – ايدىڭ 29 - كۇنى جارىققا شىققان.

بۇكىل ەلدەگى جوعارى تەمپەراتۋرالى وزەكتى رايون رەتىندە، تۇرپاندا كۇندىز – ءتۇنى قاتتى ىستىق بولادى. جۇڭگو اۋا رايى، شينشين ميكرو بلوگى ساندى مالىمەتىنە قاراعاندا، 7 – ايدىڭ 26 - كۇنى كەشتەن 27 – كۇنى تاڭەرتەڭگە دەيىن، بۇكىل ەل بويىنشا تۇنگى تەمپەراتۋرا ەڭ جوعارى 5 جەردىڭ تورتەۋى تۇرپان ويپاتىندا بولعان، مۇنىڭ ىشىندە تۇرپان 37.2 سەلتسي گرادۋسپەن 1 - ورىندى يەلەپ، جەرگىلىكتى ورىننىڭ تۇنگى تەمپەراتۋراسىنىڭ ەڭ جوعارى رەكوردىن بۇزدى.

كەلۋ قاينارى: حالىق تورابى