دۇنيە جۇزىلىك اۋا رايى ۇيىمى: قاپىرىق ىستىق دۇنيە جۇزىندەگى كوپتەگەن مەملەكەتتەرگە ىقپال جاساۋدا

شينحۋا اگەنتتىگىنىڭ 7 – ايدىڭ 28 – كۇنى جەنەۆادان بەرگەن حابارى. دۇنيە جۇزىلىك اۋا رايى ۇيىمىنىڭ 7 – ايدىڭ 28 – كۇنى اتاپ كورسەتۋىنشە، قاپىرىق ىستىق دۇنيە جۇزىندەگى كوپتەگەن ەلدەرگە ىقپال جاساۋدا، سول سەبەپتى جوعارى تەمپەراتۋرادان ساقتانۋ جاعىندا دابىل قاعۋ مەن دەنساۋلىققا قاتىستى ارەكەت جوسپارلارىن اتقارۋدىڭ ماڭىزدىلىعى كورنەكتىلەنە تۇسۋدە.

دۇنيە جۇزىلىك اۋا رايى ۇيىمىنىڭ سول كۇنى جاريالاعان اقپاراتتىق مالىمدەمەسىنە قاراعاندا، ەۆروپا وداعىنىڭ كليماتتى باقىلاۋ قۇرىلىمى كوپەرنيك اتىنداعى كليمات وزگەرىسىنە قاتىستى قىزمەت وتەۋ مەكەمەسىنىڭ ساندى مالىمەتىنە قاراعاندا، دۇنيە ءجۇزى جۋىردا عانا ەستەلىككە الۋ باستالعاننان بەرگى ىستىقتىق دارەجەسى ءۇشىنشى ورىنداعى التىنشى ايدى باستان كەشىرگەن؛ ا ق ش مەملەكەتتىك اۋا رايى مەكەمەسىنىڭ ايتۋىنشا، ۇزاققا جالعاساتىن قاپىرىق ىستىقتى ”سۇركەيلى جوعارى تەمپەراتۋرا حاۋپى“ مەجەمەن ا ق ش – نىڭ شىعىس بولىگىندەگى 20 ميلليوننان استام ادامعا ىقپال جاسايدى؛ جەر ورتا تەڭىزى الابى مەن بالقان رايونى قازىر بيىل جازعى ءۇشىنشى رەتكى قاپىرىق ىستىقتى باستان كەشىرۋدە، گرەتسيا مەن يسپانيادا سۇركەيلى جوعارى تەمپەراتۋرا سەبەبىنەن ساياحاتتاعى تانىمال كورىنىس رايوندارى جابىلعان؛ سولتۇستىك ەۆروپاداعى ەلدەر دە جوعارى تەمپەراتۋرانى سەزىنگەن، فينلانديادا 30 گرادۋستان اساتىن جوعارى تەمپەراتۋرالى كۇن سانى 15 كۇننەن اسقان، نورۆەگيا مەن شۆەتسيا دا قالىپتان تىس جوعارى تەمپەراتۋرانىڭ ىقپالىنا ۇشىراپ، ورمانعا ءورت كەتۋ سىندى اسا حاۋىپتى جاعداي جونىندە دابىل قاعىلعان؛ سۇركەيلى ىستىق سولتۇستىك افريكا مەن ورتا شىعىستاعى باسىم كوپ ساندى وڭىرلەردى شارپىپ، يراننىڭ ەلەكترمەن جانە سۋمەن قامداۋى اۋىر دارەجەدە جەتكىلىكسىز بولعان.

دۇنيە جۇزىلىك اۋا رايى ۇيىمىنىڭ ورىنباسار باس حاتشىسى كو باررەتتىڭ اقپارات مالىمدەمەسىندە ايتۋىنشا، سۇركەيلى جوعارى تەمپەراتۋرا كەيدە ءۇنسىز جەندەت دەپ اتالادى، الايدا، قازىرگى تاڭداعى عىلىم، ساندى مالىمەت جانە تەحنولوگياعا بايلانىستى، سۇركەيلى جوعارى تەمپەراتۋرانىڭ كەسىرىنەن ءولىم – ءجىتىمنىڭ تۋىلۋىنان ساقتانۋعا بولادى.

كەلۋ قاينارى: حالىق تورابى