تاسقىنعا قاتىستى وسەك – اياڭدارعا قاتاڭ سوققى بەرىلەدى 

جۋىردا كوپ جەردە تاسقىن جاعدايىنا قاتىستى كوپ رەتكى وسەك – اياڭدى ساقشى جاق انىقتاپ ءبىر جاقتى ەتىپ، وسەك – اياڭ تاراتۋشىلار سايكەستى جازاسىن تارتقان.

ءبىر توراپتاس ءمالىم ولكەدە ەرەكشە ءىرى نوسەر جاۋعان سوڭ وقۋدان تاراعان بالاسىن الىپ قايتقانى جونىندەگى كەسكىندى جاريالاعان، تەكسەرىپ راستاۋعا قاراعاندا، بۇل كەسكىن شەتەلدە تۋىلعان تاسقىن جونىندەگى كەسكىن بولىپ شىققان؛ ءبىر توراپتاس قىستاقتاعى اۆتوموبيلدەردى سۋدىڭ اعىزىپ كەتكەنى جونىندەگى كەسكىندى جاريالاعان، تەكسەرىپ راستاۋعا قاراعاندا، بۇل بۇرىنعى جىلداردا بولعان تاسقىن جونىندەگى كەسكىن بولىپ شىققان؛ ءبىر توراپتاس تاسقىن اپاتى سەبەبىنەن نەشە ون ادامنىڭ قازا بولىپ، مىڭنان استام ادامنىڭ دەرەكسىز كەتكەنى جونىندەگى اقپاراتتى جاريالاعان، تەكسەرىپ راستاۋعا قاراعاندا، بۇل جالعان قيىستىرعان مازمۇن ەكەنى انىقتالعان.

قازىر ءدال جەتىنشى ايدىڭ سوڭى مەن سەگىزىنشى ايدىڭ باسىنداعى تاسقىننان ساقتانۋدىڭ شەشۋشى مەزگىلى، ەلىمىزدىڭ كوپ جەرىندە قالىڭ نوسەر جاۋدى. تاسقىننان ساقتانىپ، اپاتقا توتەپ بەرۋ سىندى شەشۋشى كەزەڭدە، كەيبىر توراپتاستار وقىرماننىڭ نازارىن اۋدارۋ ءۇشىن وتىرىكتى شىنداي سوعۋ، كونە اقپاراتتاردى قايتالاي دابىرالاۋ، تاسقىننىڭ جاعدايىن اسىرەلەۋ قاتارلى جولدارمەن وسەك – اياڭ قۇراستىرىپ، جۇرتشىلىقتىڭ تاسقىن جاعدايىنا نازار اۋدارىپ وتىرعانىنان، قاتىستى مازمۇنداردى جوتكەپ تاراتاتىنىنان پايدالانىپ، ناشار ىقپال تۋدىرعان.

ينتەرنەتتەگى وسەك – اياڭ كوزگە كورىنبەس ءيىرىم سياقتى، ونىڭ ءبۇلدىرۋ قۋاتىنا جەڭىل – جەلپى قاراۋعا بولمايدى. تاسقىننان ساقتانىپ، اپاتپەن كۇرەسۋ — ءبىر رەتكى مينۋت – سەكۋندتى دا قولدان بەرۋگە بولمايتىن سۇراپىل شايقاس، ەگەر قوعامداعىلاردىڭ قىمباتتى نازارى مەن قۇتقارۋ – كومەكتەسۋ جاعىنداعى بايلىق قاينارى وسەك – اياڭنىڭ شىرماۋىنا تۇسسە، جۇرتشىلىقتى الاڭداتىپ قانا قويماستان، قولباسشىلىق ەتۋ مەن شەشىم جاساۋعا، قۇتقارۋ – كومەكتەسۋ ىستەرىن ورنالاستىرۋعا كەدەرگى بولىپ، تاسقىننان ساقتانىپ، اپاتپەن كۇرەسۋ ىستەرىنىڭ قالىپتى ورىستەتىلۋىنە ىقپال جاساۋى مۇمكىن.

تاسقىننان ساقتانىپ، اپاتپەن كۇرەسۋ بارىسىندا وسەك – اياڭنىڭ كەسىرىنە مۇلدە جول بەرىلمەيدى. ءمورالدىڭ ەڭ تومەنگى شەگىنەن اسىپ، زاڭنىڭ شەكتەمەسىنەن اتتاپ وسەك – اياڭ تاراتۋ سىندى مۇنداي ارەكەتتەرگە سوققى بەرۋ مەن ونى جونگە سالۋدى، ءسوزسىز، ۇزدىكسىز كۇشەيتۋ، وسەك – اياڭ تاراتۋشىلارعا زور بوداۋ بەرگىزۋ كەرەك.

كەلۋ قاينارى: حالىق تورابى