جۇڭگو ەرەكشە بىرلەسپە فۋتبول جارىسى شەكتى جاۋاپكەرشىلىك سەرىكتەستىگىنىڭ بۇرىنعى باس جوراسى ليۋ جۇننىڭ پارا الۋ، مەملەكەت قىزمەتكەرىنە جاتپايتىنداردىڭ پارا الۋ دەلوسىنا ءبىرىنشى سوتتا ۇكىم جاريالاندى

شينحۋا اگەنتتىگىنىڭ 7 ـ ايدىڭ 30 ـ كۇنى ۋحاننان بەرگەن حابارى. 7 ـ ايدىڭ 30 ـ كۇنى حۋبەي ولكەسى تۇڭشان اۋداندىق حالىق سوت مەكەمەسى جۇڭگو ەرەكشە بىرلەسپە فۋتبول جارىسى شەكتى جاۋاپكەرشىلىك سەرىكتەستىگىنىڭ بۇرىنعى باس جوراسى ليۋ جۇننىڭ پارا الۋ، مەملەكەت قىزمەتكەرىنە جاتپايتىنداردىڭ پارا الۋ دەلوسىنا اشىق ۇكىم شىعارىپ، پارا الۋ قىلمىسى بويىنشا ايىپكەر ليۋ جۇنگە 10 جىلدىق مەرزىمدى قاماۋ جازاسىن بەردى، وعان قوسا 600 مىڭ يۋان اقشالاي ايىپ سالدى؛ مەملەكەت قىزمەتكەرىنە جاتپايتىنداردىڭ پارا الۋ قىلمىسى بويىنشا وعان 2 جىلدىق مەرزىمدى قاماۋ جازاسى كەسىلدى، وعان قوسا 500 مىڭ يۋان اقشالاي ايىپ سالىندى، سونىمەن 11 جىلدىق مەرزىمدى قاماۋ جازاسى كەسىلدى، وعان قوسا ءبىر ميلليون 100 مىڭ يۋان اقشالاي ايىپ سالىندى. ايىپكەر ليۋ جۇننىڭ پارا العان، مەملەكەت قىزمەتكەرىنە جاتپايتىن قىزمەتكەرلەردىڭ پارا الۋىنا قاتىستى مال - مۇلكى مەن ءوسىمىن زاڭ بويىنشا قۋزاپ قايتارىپ الىپ، مەملەكەت قازىناسىنا تاپسىرادى.

تۇڭشان اۋداندىق حالىق سوت مەكەمەسى 2025 – جىلى 4 – ايدىڭ 14 - كۇنى بۇل دەلونى اشىق سوت اشىپ قاراعان بولاتىن.

كەلۋ قاينارى: حالىق تورابى