كورىلىمگە يە بولۋ ءۇشىن تاسقىن تۋرالى وسەك – اياڭ قۇراستىرعان، قوعام حاۋىپسىزدىگى ورگاندارى دەلوعا قاتىستى ادامدى زاڭ بويىنشا انىقتاپ ءبىر جاقتى ەتكەن 

جۇڭگو اقپارات تورابىنىڭ 8 – ايدىڭ 4 – كۇنى بەرگەن حابارى. قوعام حاۋىپسىزدىگى مينيسترلىگى ينتەرنەت حاۋىپسىزدىگى مەكەمەسىنىڭ ۋيشين تەكشەسى حابارلايدى: جۋىردا ۇزدىكسىز جاۋعان نوسەردىڭ ىقپالىنا ۇشىراعاندىقتان، كەي جەرلەردە سەل ءجۇرۋ حاۋپى تۋىلعان، تاسقىن الەك سالعان وسىنداي ساتتە، بارشا جۇرتشىلىق ءبىر نيەتپەن ىنتىماقتاسىپ، تاراۋلار دەرەۋ ارەكەتكە كىرىسىپ، اپاتتان قۇتقارۋعا قاجەتتى كۇشتەردى دەرەۋ ۇيىمداستىرىپ، جاراتىلىستىق اپاتپەن بەرىك قامالداي بىرلىكپەن ايقاسقان. الايدا، ءىشىنارا توراپتاستار كورىلىمگە يە بولىپ، جۇرتتىڭ نازارىن اۋدارۋ ءۇشىن وسەك – اياڭ تاراتىپ، قوعامداعى الەۋمەتتىك ءتارتىپتى بىلىقتىرعان، قوعام حاۋىپسىزدىگى ورگاندارى زاڭ بويىنشا ءبىر جاقتى ەتكەن.

دەلونىڭ قىسقاشا جاعدايى

7 – ايدىڭ 30 – كۇنى، سانشي ولكەسى داتۇڭ قالاسىنىڭ ينتەرنەتتىك ساقشىلارىنىڭ قىزمەت بارىسىندا بايقاۋىنشا، ءمالىم توراپتاس قىسقا كەسكىن تەكشەسىندە تىكە تاراتىلىم ىستەۋ بارىسىندا تيانتيان اۋدانىندا تاسقىن سەبەبىنەن دەرەكسىز كەتكەندەردىڭ ىشىندە 19 جاستاعى ۋحان داشۋەسىنىڭ ستۋدەنتى بار دەگەن وسەك – اياڭدى تاراتىپ، قالىڭ توراپتاستاردىڭ نازارىن اۋدارىپ، جەرگىلىكتى ورىننىڭ قۇتقارۋ قىزمەتكەرلەرىن الجاستىرعان.

ينتەرنەتتىك ساقشىلاردىڭ ارەكەتتەنۋى

تەكسەرۋ بارىسىندا توراپتاس لي X چۇن جۇرتتى باۋراپ، كورىلىمگە يە بولۋ ءۇشىن شىندىقتى مۇلدە ەلەپ – ەسكەرمەي جالعان ينفورماتسيالاردى قاساقانا قۇراستىرعان ءارى تاراتقان ارەكەتىن تۇگەل مويىنداعان.

قازىر سول جەردەگى قوعام حاۋىپسىزدىگى ورگاندارى «جۇڭحۋا حالىق رەسپۋبليكاسىنىڭ ينتەرنەت حاۋىپسىزدىگى زاڭىنا»، «جۇڭحۋا حالىق رەسپۋبليكاسىنىڭ اماندىق باسقارۋ جاعىنداعى جازالاۋ زاڭىنا» ساي، دەلوعا قاتىستى ادامدى اكىمشىلىك جاقتان جازالاعان.

ينتەرنەتتىك ساقشىلار مىنانى ەسكەرتەدى:

ينتەرنەت زاڭنان تىسقارى جەر ەمەس، ينتەرنەتتە اقپارات جاريالاعاندا، پىكىر جاريالاعاندا، ءسوزسىز، زاڭ – تۇزىمگە بويسۇنۋىمىز، ءوزىمىزدىڭ ارەكەتىمىز بەن سوزىمىزگە جاۋاپتى بولۋىمىز كەرەك، تاسقىننان ساقتانىپ، اپاتپەن ايقاسۋ جاعىندا وسەك – اياڭ جاريالاپ، اۋرە – سارساڭعا سالۋعا جول بەرىلمەيدى. وسەك – اياڭ شىعارۋ ارقىلى ءمورالدىڭ تومەنگى شەگىنەن اتتاپ، زاڭنىڭ قىزىل سىزىعىنا سايىس جاريالاعان مۇنداي ارەكەتتەرگە، ءسوزسىز، ۇزدىكسىز سوققى بەرۋ ءارى جونگە سالۋ قاجەت، وسەك – اياڭ قۇراستىرۋشىلار اۋىر بوداۋ بەرۋى كەرەك! قوعام حاۋىپسىزدىگى ورگاندارى الدا ۇزدىكسىز كۇش سالىپ، تيپتىك دەلولاردى دەر كەزىندە اشىق جاريالاپ، ينتەرنەتتەگى زاڭعا قايشى قىلمىستىق ارەكەت وتكىزبەك بولعانداردى سەسكەندىرىپ، ينتەرنەت كەڭىستىگىن پاكتىگىن قورعايدى.

كەلۋ قاينارى: حالىق تورابى