شينجياڭ حوتان قالاسى تاسقىننان ساقتانۋعا ارەكەتتەندى 

جوعارى تەمپەراتۋرانىڭ ىقپالىنا ۇشىراپ، قاردىڭ ەرۋىنە بايلانىستى شينجياڭ حوتان قالاسى يۇرۇڭقاش وزەنىندە سۋدىڭ مولشەرى مولايعان، سۋ مولشەرى ەڭ كوپ بولعاندا سەكۋندىنا 1040 تەكشە مەترگە جەتىپ، ساقتىق سىزىعىنىڭ مولشەرىنەن اسىپ كەتكەن.

جۋىرداعى كۇندەردەن بەرى، حوتان قالالىق سۋ يگىلىگى تاراۋلارى تاسقىن جاعدايىنا ءجىتى نازار اۋدارىپ، كۇندەلىكتى شارلاپ تەكسەرۋدى كۇشەيتىپ، توسپانىڭ حاۋىپسىزدىگىن كۇش سالا قورعاعان. يۇرۇڭقاش وزەنىنىڭ جاعالاۋىندا، تاسقىننان ساقتانۋ قىزمەتكەرلەرى تاستاردى تاسىپ اكەلىپ، ونى سىممەن تورلاپ، تاسقىننان ساقتانىپ، تاسقىنمەن ايقاسۋعا دايىندالۋ جاعىنداعى ءتۇرلى قىزمەتتەردى تىڭعىلىقتى دا ءتارتىپتى ورىستەتكەن، ءتۇيىندى ورىنداردا تاس، شاعىل، توقىما قالتا، تەمىر تور قاتارلى تاسقىننان ساقتانۋ بۇيىمدارىن كوپتەپ دايىنداپ، تاسقىننان ساقتانۋعا قاتىستى ءتۇرلى قىزمەتتەردى ورىنداپ بولعان.

جوعارى تەمپەراتۋرالى اۋا رايىنىڭ ىقپالىنان قار ەرىگەندىكتەن، شينجياڭ حوتان سۋ رايىن باقىلاۋ – تەكسەرۋ مەكەمەسى 8 – ايدىڭ 1 – كۇنىنەن باستاپ يۇرۇڭقاش وزەنىنىڭ جوعارعى اعارىنداعى بولىگىندە (حيشان سۋ رايى پۋنكتى) تاسقىننان ساقتانۋدىڭ كوك ءتۇستى دابىلىن قاققان، مەجەمەن وسى رەتكى تاسقىن 8 – ايدىڭ ورتا شەنىنە دەيىن جالعاسادى. (باي جىچياڭ، ۋ شۇيچيڭ، سايراڭ دۇڭجۋ)

كەلۋ قاينارى: حالىق تورابى