جاپونياداعى شينموەداكە جانار تاۋى اتىلىپ، ءۇشىنشى دارەجەلى ساقتىق كۇيى جاريالانعان 

جاپونيا اۋا رايى مەڭگەرمەسىنىڭ ايتۋىنشا، جەرگىلىكتى ۋاقىت بويىنشا 8 – ايدىڭ 5 – كۇنى ساعات 5 تەن 23 مينۋت اينالاسىندا، جاپونيانىڭ كاگوشيما اۋدانى مەن ميازاكي اۋدانىنىڭ شەكارالاسقان جەرىندەگى شينموەداكە جانار تاۋى اتىلعان، جانار تاۋ كۇلىنىڭ اتىلعان بيىكتىگى 3000 مەترگە جۋىقتاعان. جاپونيا اۋا رايى مەڭگەرمەسى شينموەداكە جانار تاۋىنىڭ اتىلۋىنا بايلانىستى ءۇشىنشى دارەجەلى ساقتىق كۇيىن جاريالاپ، جۇرتشىلىقتى تاۋ قويناۋىنا بارۋىنا تيىم سالعان.

جاپونيا راديو بىرلەستىگىنىڭ حابارلاۋىنشا، وسى رەتكى جانار تاۋدىڭ اتىلۋىنان تۋىنداعان جانار تاۋ كۇلى شىعىس سولتۇستىك باعىتقا قاراي ۇشقان، مەجەمەن ميازاكي اۋدانىنداعى كوباياشي قالاسى مەن تاكاحارۋ قاتارلى جەرلەردە جانار تاۋ كۇلى ءتۇسۋى مۇمكىن.

اۋا رايى مەڭگەرمەسى ءۇشىنشى دارەجەلى ساقتىق كۇيىن جاريالاۋمەن بىرگە، ادامدارعا جانار تاۋدىڭ اتىلۋى سەبەپتى ۇساق تاستاردىڭ قۇلاۋى جانە جانار تاۋ قيىرشىقتارىنىڭ كوشۋى قاتارلى حاۋىپتەردەن اباي بولۋدى ەسكەرتكەن.

شينموەداكە جانار تاۋى سونبەگەن جانار تاۋعا جاتادى، جاپونياداعى كيۋشۋدىڭ وڭتۇستىگىندەگى كيريشيمايامانىڭ ورتا بولىگىنە ورنالاسقان. 2018 – جىلى 6 – ايدا شيىنموەداكە جانار تاۋىندا ءىرى كولەمدى جارىلىس سيپاتتى اتىلۋ جاعدايى تۋىلعان.

كەلۋ قاينارى: حالىق تورابى