دامىپ جاتقان جۇڭگو ｜ ەرتەدەگى مەن قازىرگى توعىسىپ، تىڭ تىنىس قالىپتاستىردى 

”گۇل شاشقان پەريزات“ كوپتەگەن ساياحاتشىلاردى تاماشالاۋعا، سۋرەتكە تۇسۋگە باۋرادى. حالىق تورابى سۇڭ فاڭشين فوتوسى

جۋىردا حىنان ولكەسى لوياڭ قالاسى لو – ي ەجەلگى قالاسىندا اشەكەيلى شامدار جايناپ، ۇلتتىق كيىم كيگەن ساياحاتشىلار سەرۋەندەپ، كەشكى كورىنىسپەن بىرگە ەرتەدەگى مەن قازىرگى توعىسقان كورىكتى كورىنىس قالىپتاستىردى. جاز مەزگىلى كەلگەننەن بەرى، بۇل جەر بارعان سايىن تانىمال بولىپ، كەشكى ەكونوميكا مەن باستان كەشىرىپ تۇتىنۋ مادەنيەت ساياحاتىنىڭ تىڭ جاڭالىعىنا اينالدى.

جۋىرداعى جىلداردان بەرى، لوياڭ بايىرعى قالا رايونى ”حالىقتىق مادەنيەت ساياحاتىنا“ بارىنشا ءمان بەرىپ، 50 نەشە جەردە مادەنيەتتىك كورىنىستەر قالىپتاستىرىپ، 100 نەشە رەت ويىن قويىپ، تۇتىنۋدى جەبەدى. قازىرگى تاڭدا، ۇلتتىق كيىم دۇكەنى 18 دۇكەننەن 1360 دۇكەنگە جەتىپ، حالىقتىق قونالقى 13 تەن 937 گە جەتىپ، 30 مىڭنان استام ادامدى جۇمىستانۋعا جەبەدى، وسى سالامەن شۇعىلداناتىنداردىڭ ايلىق كىرىسى 3000 يۋان ارتتىرىلدى. 2025 – جىلدىڭ الدىڭعى جارىمىندا قابىلداعان ساياحاتشىلار سانى 20 ميلليون 490 مىڭ 900 ادام (رەت) بولىپ، كىرىسى 15 ميلليارد 371 ميلليون يۋان بولعان.

ۇعىسۋعا قاراعاندا، بايىرعى قالا رايونى ورىستەتكەن ”كۇندەلىكتى تۇرمىستىڭ لەبى، بايىرعى قالادا تۇتىنۋ“ قيمىلى 9 – ايدىڭ 30 – كۇنىنە دەيىن وتكىزىلەدى، ۇلتتىق كيىم دۇكەنىنەن 62 دۇكەن، 88 اس – سۋ دۇكەنى قاتارلىلار تيىمدىلىك قيمىلدارىن ورىستەتىپ، توڭىرەكتىڭ ءتورت بۇرىشىنان كەلگەن قوناقتاردى بايىرعى قالانىڭ ومىرشەڭدىك قۋاتىن سەزىنۋگە باۋرايدى.

كەلۋ قاينارى: حالىق تورابى