شينجياڭ جازدىق استىقتىڭ بىرلىك ءونىمىنىڭ ارتۋ مولشەرى جانە ارتۋ قارقىنى بويىنشا تۇگەلدەي ەلىمىز بويىنشا ءبىرىنشى ورىنعا شىقتى 

شارۋالار گازەتى حابارلايدى (شارۋالار گازەتى، جۇڭگو اۋىل شارۋاشىلىعى تورابىنىڭ ءتىلشىسى لي داۋجۇڭ) ءتىلشىنىڭ شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپارات كەڭسەسى ۇيىمداستىرعان اقپارات جاريالاۋ ماجىلىسىنەن ۇعىسۋىنشا، 2025 – جىلى شينجياڭدا جازدىق استىقتىڭ ءونىم مولشەرى مۋىنا 441.5 كيلوگرام بولىپ، وتكەن جىلداعىدان مۋىنا 11.1 كيلوگرام ارتقان، ارتۋ مولشەرى %2.8 بولىپ، ءۇش جىل بويى ارتۋ مولشەرى 10 كيلوگرامنان اسىپ وتىرعان، بۇكىل ەلىمىز بويىنشا جازدىق استىقتىق ورتاشا بىرلىك ونىمىمەن سالىستىرعاندا 35.9 كيلوگرام جوعارى بولىپ، جازدىق استىقتىق بىرلىك ءونىمىنىڭ ورەسى ەلىمىز بويىنشا 6 – ورىنعا كۇرت جوعارىلاعان؛ بىرلىك ءونىمىنىڭ ارتۋ مولشەرى، ارتۋ قارقىنى جاعىنان تۇگەلدەي ەلىمىز بويىنشا ءبىرىنشى ورىنعا شىققان. مۇندا ءبيدايدىڭ بىرلىك ءونىمى 7 جىل بويى ارتىپ، مۋىنا 411.7 كە جەتكەن. ەسەپتەۋگە قاراعاندا، جازدىق استىقتىق بىرلىك ءونىمىنىڭ ارتۋىنا بايلانىستى، جازدىق استىقتىڭ جالپى ءونىم مولشەرى 138 مىڭ توننا ارتقان.

تانىستىرۋعا قاراعاندا، جىل باسىنان بەرى، شينجياڭدا كليمات شارت – جاعدايى جالپى جاقتان استىقتىڭ ءوسىپ – جەتىلۋىنە ءتيىمدى بولعان، رايون بويىنشا جەر – جەر كەڭ كولەمدى بىرلىك ءونىم مولشەرىن جوعارىلاتۋ ارەكەتىن ىشكەرىلەي ورىستەتىپ، جوعارى ساپالى اتىزدا ءبيداي ەگۋ كولەمىنىڭ سالىستىرماسى جوعارىلاعان، سورتتى تۇقىممەن قامتۋ مولشەرى زور مولشەردە جوعارىلاپ، ءبيدايدىڭ قاتارىنىڭ اراسىن جيىلەتىپ، ءبيدايدى تىعىز ەگۋ، ءبيدايدىڭ نەگىزگى ساباعىنىڭ ءدان الۋى قاتارلى شەشۋشى تەحنيكالاردى ءدال تياناقتاندىرىپ، ”سۋ، توپىراق، تۇقىم، ماشينا، تەحنيكا“ قاتارلىلاردى تىعىز توعىستىرىپ، بىرلىك ءونىم مولشەرىنىڭ كورنەكتى جوعارىلاۋىن ىلگەرىلەتكەن.

كەلۋ قاينارى: حالىق تورابى