شينجياڭ جۇمىسسىز قالعانداردى شوعىرلى تۇردە سۇيەمەلدەۋ ارەكەتىن اتقاردى 

جۇمىسشىلار گازەتىنىڭ ءتىلشىسى ۋ دوسى، پراكتيكانتى جياڭ شان حابارلايدى. جۋىردا شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى ۇقتىرۋ باسىپ تاراتىپ، قازىردەن باستاپ جىل سوڭىنا دەيىن شينجياڭدا جۇمىسسىز قالعاندارعا باعىتتاپ جۇمىس ورنىن ورنىقتىرۋ – كەڭەيتۋ، دالمە – ءدال قىزمەت وتەۋ، ونەرىن جەتىلدىرۋ، شارۋاشىلىق قۇرۋعا شابىتتاندىرۋ، قامتاماسىزداندىرۋ – سۇيەمەلدەۋ، ءتۇيىندى كاسىپورىندار قاتارلى التى ءتۇرلى جوسپاردى اتقارادى.

”جۇمىس ورنىن ورنىقتىرۋ – كەڭەيتۋ جوسپارى“ بويىنشا كاسىپ سالاسى، تۇتىنۋ قاتارلى سالالارعا ءتۇيىندى تۇردە نازاردى شوعىرلاندىرىپ، ءتۇيىندى كاسىپ سالاسى تىزبەگىندەگى 500 دەن استام كاسىپورىنعا ادام كۇشى بايلىعى جانە قوعامدىق قامتاماسىزداندىرۋ سالاسى بويىنشا ارناۋلى قىزمەتكەر ورنالاستىرىپ، ادام ىستەتۋ جاعىندا ”ءاربىر كاسىپورىنعا ارناۋلى ساياسات قولدانىپ“ جەتەكشىلىك ەتەدى. دالمە – ءدال قىزمەت وتەۋ جاعىندا، جۇمىسسىز قالعاندار مەن جۇمىس ىزدەۋشىلەردى تىزىمگە الۋ تەرەزەسىن جالپى بەتتىك اشىق ۇستاۋدى تالاپ ەتەدى. ”شەبەرلىكتى جەتىلدىرۋ جوسپارى“ جاعىندا ”ونەرىمەن بولاشاعىن نۇرلاندىرۋ“ سىندى جەتىلدىرۋ ارەكەتىن جەتەكشى ەتىپ، ”ءتورتتى ءبىر تۇلعالاندىرۋ“ سىندى نىسانداندىرىلعان كۋرستى ىلگەرىلەتىپ، ”ونەرىن جەتىلدىرۋ“ جاعىندا قىزمەت وتەۋ ارناۋلى رايونىن جالپىلاستىرىپ، شۇعىل قاجەتتى، ادام كەمشىل كاسىپتەر قاتارلىلارعا باعىتتاي وتىرىپ، كۋرسقا قاتىناستىرۋ قوسىمشا قاراجاتىن ەڭ جوعارى بولعاندا %20 كە دەيىن جوعارىلاتادى. شارۋاشىلىق قۇرۋعا شابىتتاندىرۋ جاعىندا، شارتقا ساي كەلەتىن جۇمىسسىز قالعانىن تىزىمدەتكەندەردىڭ شارۋاشىلىق قۇرۋىنا ءبىر رەتتىك 5000 يۋاندىق قوسىمشا قاراجات بەرىلەدى. ”قامتاماسىزداندىرۋ جانە سۇيەمەلدەۋ جوسپارى“ بويىنشا جاسى ۇلعايعاندارعا، مۇگەدەكتەرگە نازاردى شوعىرلاندىرىپ، ”ءاربىر ادامعا سايكەستى ساياسات قولدانۋ“ ارقىلى كومەكتەسەدى. ”ءتۇيىندى كاسىپورىندار جوسپارى“ بويىنشا جۇمىسسىزدىقتان قامسىزداندىرۋ قاراجاتىنان جۇمىس ورنىن ورنىقتىرعاندارعا قوسىمشا قاراجات بەرۋ سالىستىرماسىن جوعارىلاتىپ، كاسىپورىنداردىڭ جۇمىستان بوساتۋدى ازايتۋىنا ءارى جۇمىسشىلاردىڭ ونەرىن جەتىلدىرۋىنە قولداۋ كورسەتەدى.

تانىستىرۋعا قاراعاندا، التى ءتۇرلى جوسپار بويىنشا جۇمىس ورنىن اشۋ، دالمە – ءدال قىزمەت وتەۋدەن تارتىپ، ونەرىن جەتىلدىرۋ، شارۋاشىلىق قۇرۋىنا قولداۋ كورسەتۋ قاتارلى جان – جاقتى شارالار ارقىلى كۇش سالىپ، جۇمىسسىز قالعانداردىڭ قايتالاي جۇمىستانۋىنا بەرىك تەكشە ورناتىپ، اناعۇرلىم كوپ جۇمىسسىز قالعانداردىڭ ورنىقتى جۇمىستانۋىنا دەم بەرەدى.

كەلۋ قاينارى: حالىق تورابى