شينجياڭ ىلە موڭعۇلكۇرە اۋدانىنداعى ءبىر كورىنىس رايونىندا اسپالى كوپىردىڭ شىنجىرى ءۇزىلىپ، 5 ادام قازا بولعان 

ءتىلشىنىڭ شينجياڭ ىلە قازاق اۆتونوميالى وبلىستىق پارتكومنىڭ ۇگىت بولىمىنەن ۇعىسۋىنشا، 8 – ايدىڭ 6 – كۇنى ساعات 18 دەن 18 مينۋت وتكەندە، ىلە قازاق اۆتونوميالى وبلىسى موڭعۇلكۇرە اۋدانى شاتى كورىنىس رايونىندا اسپالى كوپىردىڭ ءبىر شىنجىرى ءۇزىلىپ، كوپىر ءبىر جاعىنا قاراي اۋىپ كەتكەن، كوپىردەگى 29 ادام كوپىردەن قۇلاعان. ولاردىڭ ىشىندە 5 ادام قازا بولىپ، 22 ادام جارالانعان، 2 ادامنىڭ جاراقاتى ءبىرشاما اۋىر، جارالانعاندار ەمحاناعا جەتكىزىلىپ، دەنساۋلىقتارىن تەكسەرتكەن ءارى ەمدەلگەن، ومىرىنە تونگەن حاۋىپ جوق.

شىرعالاڭ تۋىلعان سوڭ، ىلە وبلىسى مەن موڭعۇلكۇرە اۋدانى دەرەۋ شۇعىل جاعدايعا توتەپ بەرۋ شاراسىن ىسكە قوسىپ، وبلىستىق پارتكوم مەن ۇكىمەت جانە اۋداندىق پارتكوم مەن ۇكىمەت شۇعىل جاعدايعا توتەپ بەرۋ، ءورت ءوشىرۋ، دەنساۋلىق ساقتاۋ قاتارلى تاراۋلاردى دەرەۋ ءىس تۋىلعان جەرگە بارىپ، جارالانعانداردى كۇش سالا قۇتقارۋعا، ءىس تۋىلعان جەردەگى ساياحاتشىلاردى الاڭسىزداندىرۋدى ويداعىداي ىستەۋگە، شىرعالاڭنىڭ سوڭعى جۇمىستارىن ءبىر جاقتى ەتۋدى بەلسەندى ورىستەتۋگە ۇيىمداستىرعان.

قازىر موڭعۇلكۇرە اۋدانى شاتى كورىنىس رايونى جابىلعان، شىرعالاڭنىڭ سەبەبى تەكسەرىلۋ ۇستىندە.

كەلۋ قاينارى: حالىق تورابى