ۇيلەنگەندەرگە 10 مىڭ يۋان قوسىمشا قاراجات بەرىلە مە؟ اۆتوموبيل توقتاتۋ اقىسىنىڭ شەكتەن تىس قىمباتتاعانى راس پا؟ شينجياڭ ساقشى جاعى حابارلاندىرۋ شىعاردى 

ورتالىق تەلەۆيزيا تورابىنىڭ حابارى: وسەك – اياڭعا ينتەرنەت ارقىلى بىرلەسىپ تويتارىس بەرۋ ۋيشين الەۋمەتتىك تەكشەسىنىڭ حابارلاۋىنشا، ينتەرنەت كەڭىستىگىنىڭ ءتارتىبىن شىنايى قورعاپ، وسەك – اياڭ شىعارمايتىن، وسەك – اياڭ تاراتپايتىن، وسەك – اياڭعا سەنبەيتىن تاماشا ينتەرنەتتىك ورتانى كۇش سالا جاراتۋ ءۇشىن، جۋىردا شينجياڭداعى قوعام حاۋىپسىزدىگى ورگاندارى حالىق تۇرمىسىنا ساياتىن سالالاردا وسەك – اياڭ شىعارۋ، وسەك – اياڭ تاراتۋعا قاتىستى بەس رەتكى دەلونى زاڭ بويىنشا انىقتاپ ءبىر جاقتى ەتكەن.

1. جان X تىڭ ”گانسۋدىڭ تيانشۇي قالاسىنداعى بالالار باقشاسىنداعى بالالاردىڭ قانىنداعى قورعاسىن قۇرامى قالىپسىز بولعان“ دەگەن وسەك – اياڭدى شىعارىپ تاراتۋى دەلوسى

جۋىردا سانجى قالالىق قوعام حاۋىپسىزدىگى ورگانىنىڭ ينتەرنەت حاۋىپسىزدىگى تاراۋى جان X ەسىمدى توراپتاستىڭ (ەر، 57 جاس) ينتەرنەت تەكشەسىندە ”گانسۋدىڭ تيانشۇي قالاسىنداعى بالالار باقشاسىنداعى بالالاردىڭ قانىنداعى قورعاسىن قۇرامى قالىپسىز بولعان“ دەگەن وسەك – اياڭدى شىعارىپ تاراتقانىن انىقتاعان.

2. ياڭ X تىڭ ”ءمالىم ەرەنبازارداعى كوپ ساندى قىزمەتكەر ءايدىز اۋرۋىنا شالدىققان“ دەگەن وسەك – اياڭدى شىعارىپ تاراتۋى دەلوسى

جۋىردا بايىنعولىن وبلىستىق قوعام حاۋىپسىزدىگى ورگانىنىڭ ينتەرنەت حاۋىپسىزدىگى تاراۋى ياڭ X ەسىمدى توراپتاستىڭ (ايەل، 49 جاس) ينتەرنەت تەكشەسىندە ”ءمالىم ەرەنبازارداعى كوپ ساندى قىزمەتكەر ءايدىز اۋرۋىنا شالدىققان، ەرەنبازار جۇمىسىن توقتاتقان، كوپشىلىك كوڭىل بولىڭىزدەر!“ دەگەن وسەك – اياڭدى شىعارىپ تاراتقانىن انىقتاعان.

3. سۇي X تىڭ ”ۇيلەنگەندەرگە قوسىمشا قاراجات بەرىلەدى، ەڭ كوپ بولعاندا 10 مىڭ يۋانعا جەتەدى!!!“ دەگەن وسەك – اياڭدى شىعارىپ تاراتۋى دەلوسى

جۋىردا تارباعاتاي ايماقتىق قوعام حاۋىپسىزدىگى ورگانىنىڭ ينتەرنەت حاۋىپسىزدىگى تاراۋى ۋاڭ X ەسىمدى توراپتاستىڭ (ەر، 32 جاس) ينتەرنەت تەكشەسىندە ”ءمالىم جەردە ۇيلەنگەندەرگە قوسىمشا قاراجات تاراتىلادى، مەملەكەت جىلىنا 10 مىڭ يۋان بەرەدى !!!“ دەگەن وسەك – اياڭدى شىعارىپ تاراتقانىن انىقتاعان.

4. سۋ X تىڭ ”ءمالىم جەردە ءايدىز اۋرۋىنا شالدىققاندار وتە كوپ“ دەگەن وسەك – اياڭدى شىعارىپ تاراتۋى دەلوسى

جۋىردا ءۇرىمجى قالالىق قوعام حاۋىپسىزدىگى ورگانىنىڭ ينتەرنەت حاۋىپسىزدىگى تاراۋى سۋ X ەسىمدى توراپتاستىڭ (ەر، 31 جاس) ينتەرنەت تەكشەسىندە ”ءمالىم جەردە ءايدىز اۋرۋىنا شالدىققاندار وتە كوپ“ دەگەن وسەك – اياڭدى شىعارىپ تاراتقانىن انىقتاعان.

5. شيا X تىڭ ”شينجياڭدا اۆتوموبيل توقتاتۋ اقىسى شەكتەن تىس قىمباتتادى“ دەگەن وسەك – اياڭدى شىعارىپ تاراتۋى

جۋىردا ءۇرىمجى قالالىق قوعام حاۋىپسىزدىگى ورگانىنىڭ ينتەرنەت حاۋىپسىزدىگى تاراۋى شيا X ەسىمدى توراپتاستىڭ (ەر، 35 جاس) ينتەرنەت تەكشەسىندە ”شينجياڭنىڭ ءمالىم جەرى اۆتوموبيل توقتاتۋ اقىسىن شەكتەن تىس قىمباتتاتىپ، الباتى اقى الدى، شينجياڭعا ساياحاتتاپ كەلەتىندەر ەڭ جاقسىسى تۇراقتى مال – مۇلىك كۋالىگىن الا كەلىڭىزدەر، كەپىلگە قويۋلارىڭىزعا قولايلى“ دەگەن وسەك – اياڭدى شىعارىپ تاراتقان.

اتالعان توراپتاستار تاراتقان وسەك – اياڭ جۇرتشىلىقتىڭ نازارىن اۋدارعان ءارى جۇرتشىلىقتىڭ تالقىسىنا مۇرىندىق بولعان، قوعامدا الەۋمەتتىك ءتارتىپتى اۋىر دارەجەدە بۇلدىرگەن، بارلىعىنا سول جەردەگى قوعام حاۋىپسىزدىگى ورگاندارى زاڭ بويىنشا اكىمشىلىك جازا قولدانعان. ينتەرنەت زاڭنان تىسقارى جەر ەمەس، ينتەرنەتتە اقپارات جاريالاعان، پىكىر بىلدىرگەن كەزدە زاڭ – تۇزىمدەرگە بويسۇنىپ، ءوزىمىزدىڭ ءسوز – ارەكەتىمىزگە جاۋاپكەرشىلىكپەن قاراۋىمىز قاجەت.

كەلۋ قاينارى: حالىق تورابى