جۇڭگو مال شارۋاشىلىعى بىرلەستىگىنىڭ ۋاكىلدەر ۇيىرمەسى ورتا ازياعا تەكسەرۋ – زەرتتەۋ جۇرگىزۋگە باردى 

جۋىردا، جۇڭگو مال شارۋاشىلىعى بىرلەستىگىنىڭ ەسەك شارۋاشىلىعى بولىمشە بىرلەستىگى، جۇڭگو اۋىل شارۋاشىلىعى داشۋەسى، دۇڭ – ى – ىجياۋ شەكتى جارنا سەرىكتەستىگى، جۇڭگو اۋىل شارۋاشىلىعى بىرلەستىگىنىڭ تۇيە شارۋاشىلىعى بولىمشە بىرلەستىگى، شاڭحاي قاتىناس داشۋەسى قاتارلى اۋىل شارۋاشىلىعىنا قاتىستى 23 كاسىپورىن مەن ءىسورىننان كەلگەن 29 ادامنان ۇيىمداسقان جۇڭگو مال شارۋاشىلىعى بىرلەستىگىنىڭ ۋاكىلدەر ۇيىرمەسى قىرعىزستان مەن قازاقستان ەكى ەلگە بارىپ، عىلىمي اۋىس – كۇيىس جاسادى جانە كاسىپ سالاسى جونىندە تەكسەرۋ – زەرتتەۋ جۇرگىزدى.

ۋاكىلدەر ۇيىرمەسى قىرعىزستاندا قىرعىز رەسپۋبليكاسىنىڭ ەكونوميكا جانە ساۋدا ىستەرى مينيسترلىگىنە قاراستى مەملەكەتتىك ەكسپورت جانە ىلگەرىلەتۋ ورتالىعى، قىرعىزستان مەملەكەتتىك اۋىل شارۋاشىلىعى داشۋەسى، قىرعىزستان مەملەكەتتىك مال شارۋاشىلىعى – مال دارىگەرلىگىن زەرتتەۋ مەكەمەسى قاتارلى ورىندارعا، سونداي – اق، اتالعان مەملەكەتتىڭ اسقار تاۋلى جايلاۋلارىنا ساپارلاي بارىپ تەكسەرۋ جۇرگىزدى. ۋاكىلدەر ۇيىرمەسى قازاقستاندا الماتى مەملەكەتتىك اۋىل شارۋاشىلىعى داشۋەسى، ءال – فارابي اتىنداعى قازاقستان مەملەكەتتىك داشۋەسى، قازاقستان ورتا – شاعىن كاسىپورىندار بىرلەستىگى قاتارلى ورىندارعا، سونداي – اق، استانانىڭ ماڭىنداعى وبلىس، اۋداندارداعى اۋىل شارۋاشىلىعى ەگىمشىلىك بازالارىنا ساپارلاي باردى.

ساپارلاي بارعان ۋاكىلدەر اۋىس – كۇيىس جاساۋ مەن تەكسەرۋ - زەرتتەۋ جۇرگىزۋ بارىسىندا ەكى ەلدىڭ ەسەك شارۋاشىلىعى، تۇيە شارۋاشىلىعى سالاسىنىڭ دامۋ جاعدايىن ۇعىنىپ، ەكى ەلدىڭ سيىر، قوي، جىلقى قاتارلى ەرەكشەلىككە يە اۋىل شارۋاشىلىعى سالاسىنىڭ دامۋ بەتالىسىن كورۋمەن بىرگە، قاتىستى كاسىپ سالاسىندىق ساياسات، بايلىق قاينارى، حالىقارالىق ساۋدا قاتارلى جاقتاردا دا تانىمدارىن تەرەڭدەتكەنىن، وزدەرىنىڭ كاسىپ سالاسىندا بۇرىلىس جاساپ، دارەجەنى جوعارىلاتۋ جانە ساپانى جوعارىلاتىپ، ونىمدىلىكتى ارتتىرۋ قىزمەتى تۋرالى تىڭ وي ءتۇيىپ قايتقانىن ءبىلدىردى.

كەلۋ قاينارى: حالىق تورابى