ەڭ جوعارى بولعاندا ℃45 تان اسادى! شينجياڭدا ەڭ جوعارى تەمپەراتۋرادان ساقتانۋ دابىلىنىڭ دارەجەسى جوعارىلاتىلدى 

جۇڭگو اۋا رايى تورابى جاريالاعان ەڭ جاڭا مالىمەتكە قاراعاندا، 8 – ايدىڭ 11 – كۇنى ساعات 16 دان 15 مينۋت وتكەندە، شينجياڭ اۋا رايى ستانسياسى جوعارى تەمپەراتۋرادان ساقتانۋ دابىلىنىڭ سارى ءتۇستى دارەجەسىن قىزعىلت سارى تۇسكە جوعارىلاتقان.

ساقتىق دابىلىنا قاراعاندا، مەجەمەن 8 – ايدىڭ 12 – كۇنى كۇندىزدەن 8 – ايدىڭ 14 – كۇنى كۇندىزگە دەيىن، وڭتۇستىك شينجياڭداعى ويپاتتى ءوڭىردىڭ كوپ بولىمىندە، تۇرپان قالاسىندا، قۇمىل قالاسىندا جانە ىلە وزەنىنىڭ اڭعارىنىڭ باتىس بولىگىندەگى ءىشىنارا وڭىرلەردە ەڭ جوعارى تەمپەراتۋرا ℃37 تان اسادى، مۇنىڭ ىشىندە قاشقار ايماعى، حوتان ايماعى، بايىنعولىن وبلىسى، تۇرپان قالاسى، قۇمىل قالاسى قاتارلى جەرلەردىڭ ءىشىنارا وڭىرلەرىندە ℃40 تان اسادى، تۇرپان قالاسىنىڭ ءىشىنارا جەرلەرىندە ℃45 تان جوعارى بولادى. ىستىق وتۋدەن ساقتانىپ، وتتان پايدالانۋدا حاۋىپسىزدىككە ءمان بەرىپ، تاۋلى وڭىرلەردەگى ءىشىنارا جەرلەردە قاردىڭ ەرۋىنەن تۋىنداۋى مۇمكىن تاسقىن اپاتىنان ساقتانعان ءجون.

قازىر حوتان ايماعى مەن وعان قاراستى اۋدانداردا، كورلا قالاسى مەن اقسۋ ايماعى قاتارلى جەرلەردە جوعارى تەمپەراتۋرادان ساقتانۋ دابىلى قاعىلعان.

حوتان ايماقتىق اۋا رايى ستانسياسى جوعارى تەمپەراتۋرادان ساقتانۋ دابىلىنىڭ دارەجەسىن سارى تۇستەن قىزعىلت سارى تۇسكە جوعارىلاتقان، مەجەمەن 8 – ايدىڭ 11 – كۇنىنەن 14 – كۇنىنە دەيىن، حوتان ايماعىنداعى جازىق جەردىڭ كوپ بولىمىندە ℃37 تان اساتىن جوعارى تەمپەراتۋرا جارىققا شىعادى، سولتۇستىگىندەگى ءشول رايوندا ەڭ جوعارى تەمپەراتۋرا ℃40 تان جوعارى دەڭگەيگە جەتەدى.

شينجياڭ اۋا رايى ستانسياسىنىڭ مەجەلەۋىنشە، وسى اپتادا (8 – ايدىڭ 11 – كۇنىنەن 17 – كۇنىنە دەيىن) بۇكىل شينجياڭداعى كوپ ءبولىم جەرلەردە الدىمەن ىستىق بولىپ، سوڭىنان جاڭبىر جاۋادى، الدىڭعى مەرزىمدە نەگىزىنەن كەڭ كولەمدى وڭىردە تەمپەراتۋرا جوعارى بولادى، سوڭىنان قالىڭ جاڭبىر جاۋىپ، بوران سوعادى.

كەلۋ قاينارى: حالىق تورابى