ورتاشادان باستاپ قالىڭ جاڭبىر جاۋادى! ءىشىنارا جەرلەردە نوسەر جاۋادى! شينجياڭنىڭ اۋا رايىنان الدىن الا مالىمەت

دوستار نازار اۋدارىڭىزدار، وسى اپتاداعى شينجياڭداعى ەكىنشى رەتكى جاۋىن – شاشىن كەلىپ جەتتى. 8 – ايدىڭ 21 – كۇنى كۇندىزدەن 22 – كۇنى تۇنگە دەيىن سولتۇستىك شينجياڭنىڭ باتىس سولتۇستىك بولەگى، شىحىزى قالاسىنىڭ تاۋلى رايونى، سانجى حۇيزۋ اۆتونوميالى وبلىسىنىڭ تاۋلى رايونى، ءۇرىمجى قالاسىنىڭ تاۋلى رايونى، وڭتۇستىك شينجياڭنىڭ باتىس بولىگىندەگى تاۋلى رايون، اقسۋ ايماعى، بايىنعولىن موڭعۇل اۆتونوميالى وبلىسى، تۇرپان قالاسىنىڭ تاۋلى رايونى، قۇمىل قالاسى قاتارلى جەرلەردىڭ ءبىر ءبولىم وڭىرلەرى جاۋىن-شاشىننىڭ اسەرىنە ۇشىرايدى، سولتۇستىك شينجياڭنىڭ سولتۇستىگى مەن شىعىس شينجياڭنىڭ ءبىر ءبولىم وڭىرلەرىندە باتىس سولتۇستىكتەن بوران سوعادى.

مۇنان سىرت وسى اپتادا تاعى ءۇشىنشى رەتكى جاۋىن – شاشىن بولادى، مۇندا 8 – ايدىڭ 22 – كۇنى كۇندىزدەن 26 – كۇنىنە دەيىن بولادى.

الداعى ءۇش كۇندە سولتۇستىك شينجياڭنىڭ باتىس بولەگىندەگىندەگى، سولتۇستىك بولەگىندەگى تاۋلى وڭىرلەر، تيانشان تاۋلى وڭىرلەرى، وڭتۇستىك شينجياڭنىڭ باتىس بولەگى، بايىنعولىن وبلىسىنىڭ سولتۇستىك بولەگىندەگى تاۋلى وڭىرلەر قاتارلى جەرلەردىڭ ءىشىنارا جەرلەرىندە قىسقا ۋاقىت كۇشتى جاۋىن - شاشىن، بۇرشاق، ناجاعايلى بوران قاتارلى كۇشتى كونۆەكسيالىق اۋا رايىنىڭ تۋىلۋ مۇمكىندىگى ءبىرشاما زور بولادى، جوعارىدا ايتىلعان وڭىرلەردىڭ ءىشىنارا جەرلەرىندە جاۋىن - شاشىن مولشەرى مول بولىپ، ءىشىنارا جەرلەردە تاسقىن جانە لاي تاسقىنى، جەر كوشكىنى قاتارلى گەولوگيالىق اپاتتار وڭاي تۋىلادى، ساياحات پەن قاتىناس حاۋىپسىزدىگىن باسقارۋدى ويداعىداي ىستەۋ كەرەك.

كەلۋ قاينارى:حالىق تورابى