شي جينپيڭ بەيجيڭگە قايتتى

8 - ايدىڭ 21 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ شۋجيى شي جينپيڭ لحاسا قالاسىندا شيزاڭ اۆتونوميالى رايونى قۇرىلعاندىعىنىڭ 60 جىلدىعىن قۇتتىقتاۋ قيمىلىنا قاتىناسقاننان كەيىن ارناۋلى ۇشاقپەن بەيجيڭگە قايتتى.

سۋرەتتە: شي جينپيڭ لحاسا قالاسىنداعى گونگا اۋەجايىندا اتتاندىرا شىققان ءار ۇلت بۇقاراسىنا قول بۇلعاپ قۇرمەت بىلدىرۋدە.

سۋرەتتى شينحۋا اگەنتتىگى ءتىلشىسى يان يان تۇسىرگەن

«حالىق گازەتى»، 8 - ايدىڭ 21 - كۇنى، لحاسا. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ لحاسادا شيزاڭ اۆتونوميالى رايونى قۇرىلعاندىعىنىڭ 60 جىلدىعىن قۇتتىقتاۋ قيمىلىنا قاتىناسقاننان كەيىن 8 - ايدىڭ 21 - كۇنى ارناۋلى ۇشاقپەن بەيجيڭگە قايتتى. باس شۋجي شي جينپيڭنىڭ تاپسىرماسىمەن ۋاڭ حۋنيڭ ۇيىرمە باستىعى بولعان ورتالىق ۋاكىلدەر ۇيىرمەسى 8 - ايدىڭ 21 - كۇنىنەن 23 - كۇنىنە دەيىن شيزاڭنىڭ جەر - جەرىندە ءار ۇلت، ءار سالا كادر - جۇرتشىلىعىنان حال سۇرايدى.

شي جينپيڭ شيزاڭنان اتتاناردا ءار ۇلت بۇقاراسى لحاسا قالا رايونىنداعى جولدىڭ ەكى جاعىنا كەلىپ، قىزىل تۋلاردى بۇلعاپ، حادا ۇستاپ، باس شۋجيگە امانداسىپ، باس شۋجيگە شىن جۇرەكتەن قۇرمەت ءبىلدىردى. لحاسا گۇڭگا اۋەجايىندا مەرەكەلىك كيىم كيگەن كادرلار مەن بۇقارا قىزىل تۋ مەن گۇل شوعىن بۇلعاپ، ءان ايتىپ، ءبي بيلەپ، ”زاشيدىلا“ دەپ ايعايلاپ، ءۇستىرت پەرزەنتتەرىنىڭ شي جينپيڭ جولداستى ۇيىتقى ەتكەن پارتيا ورتالىق كوميتەتىنە دەگەن العىستى سەزىمىن، سوتسياليستىك وسىزاماندانعان جاڭا شيزاڭ قۇرۋعا دەگەن بەرىك سەنىمىن بەينەلەدى.

ساي چي، حى ليفىڭ، ۋاڭ شياۋحۇڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ۇشاقپەن بىرگە قايتىپ كەلدى.