«شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى بايىمداۋلارىنان ۇزىندىلەر» كىتابىنا بايلانىستى وقىرمانداردىڭ پىكىر الماستىرۋ ءماجىلىسى وتكىزىلدى

شينحۋا اگەنتتىگى، 8 - ايدىڭ 21 - كۇنى، ادديس - ابەبادا (تىلشىلەر ليۋ فاڭچياڭ، حان شۇي). «شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى بايىمداۋلارىنان ۇزىندىلەر» كىتابىنا بايلانىستى وقىرمانداردىڭ پىكىر الماستىرۋ ءماجىلىسى 8 - ايدىڭ 21 - كۇنى ەفيوپيانىڭ استاناسى ادديس - ابەبادا وتكىزىلدى.

مەملەكەتتىك ساياسي كەڭەستىڭ تۇراقتى مۇشەسى، ۇلت جانە ءدىن ىستەرى كوميتەتى مەڭگەرۋشىسىنىڭ ورىنباسارى، جۇڭگو ادامدىق ۇقىق زەرتتەۋ قوعامى باستىعىنىڭ ۇنەمىلىك ىستەرگە جاۋاپتى ورىنباسارى جياڭ جيانگو، جۇڭگو شەتەل تىلدەرى مەكەمەسى باستىعىنىڭ ورىنباسارى يۇي تاۋ، جۇڭگونىڭ ەفيوپيادا تۇراتىن باس ەلشىسى چىن حاي، ليبەريا سىرتقى ىستەر مينيسترلىگى مينيسترىنىڭ ورىنباسارى جەدي موبرەي اما، سونداي - اق افريكا ەلدەرىنىڭ ساياسي، عىلىم، اقپارات قۇرالدارى، وقۋشىلار ۋاكىلدەرى سياقتى ءار سالا قايراتكەرلەرىنەن 150 دەي ادام قيمىلعا قاتىناستى.

جياڭ جيانگو ارناۋ سوزىندە بىلاي دەپ اتاپ كورسەتتى: «شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىزداندىرۋ جونىندەگى بايىمداۋلارىنان ۇزىندىلەر» ىلگەرىندى - كەيىندى 13 شەتەل تىلىندەگى نۇسقاسىن باسپادان شىعارىپ تاراتىپ، بۇكىل دۇنيە جۇزىندەگى ادامدىق ۇقىق سالاسى جانە كوپتەگەن ساياسي، عىلىم، اقىل - پاراسات قويماسى سالاسى، اقپارات قۇرالدارى سالاسى سياقتى ءار جاقتاعى وقىرمانداردى باۋرادى. وسى بايىمداۋلاردان وقىرماندار ءتوراعا شي جينپيڭنىڭ ءىرى پارتيانىڭ، ءىرى ەلدىڭ كوسەمى رەتىندەگى حالىقتىق سۇيىسپەنشىلىگى مەن الەمدىك سۇيىسپەنشىلىگىن اڭعارىپ، جۇڭگو كوممۋنيستىك پارتياسىنىڭ ءبىر نيەت، ءبىر تىلەكپەن ادامدىق ۇقىققا قۇرمەت ەتۋ جانە ونى قامتاماسىز ەتۋ سىندى 100 جىلدىق تالپىنىسىن سەزىنىپ، جۇڭگونىڭ دەربەس، ءوز وزىنە قوجايىن بولۋ سىندى ادامدىق ۇقىقتى دامىتۋ جولىن ايقىنداپ، جۇڭگونىڭ بىرگە اقىلداسۋ، بىرگە قۇرۋ سىندى ادامدىق ۇقىقتى جونگە سالۋ جاۋاپكەرشىلىگىن سەزىندى.

ول مىنالاردى باسا درىپتەدى: جۇڭگو مەن افريكانى ۋاكىل ەتكەن دۇنيە ءجۇزىنىڭ وڭتۇستىگى قارىشتاپ دامىپ، دۇنيە ءجۇزى ءتارتىبىن قايتا سومدايتىن شەشۋشى كۇشكە اينالۋدا. ادامدىق ۇقىقتى يدەيالوگياعا اينالدىرۋعا باتىل قارسى تۇرۋ، ەمەۋرىنمەن ەلىكتىرەتىن ”ادامدىق ۇقىق وقىتۋشىسىنا“ باتىل قارسى تۇرۋ، ادامدىق ۇقىق اتىمەن زورەكەرلىك ىستەۋگە باتىل قارسى تۇرۋ كەرەك. وسى بايىمداۋ ارقىلى افريكاداعى ءار ەلدىڭ وسىزامانداندىرۋ قۇرىلىسىن ىلگەرىلەتۋىنە، ادامدىق ۇقىقتى جونگە سالۋدى كەمەلدەندىرۋىنە، حالىقتىڭ باقىتىن جوعارىلاتۋىنا ۇلگى الۋعا بولاتىن پايدالى پايدالانۋ ماتەريالدارىن الا كەلىپ، جۇڭگو مەن افريكانىڭ ادامدىق ۇقىق ىستەرىنىڭ جوعارى ساپالى دامۋىنىڭ تىڭ داستانىن بىرگە جازۋدى جەبەۋدى ءۇمىت ەتەمىن.

چىن حاي ارناۋ سوزىندە بىلاي دەدى: جۇڭگو مەن افريكا حالىقتى وزەك ەتۋگە، سوز جوق، تاباندى بولىپ، ءوز ەلىنىڭ مەملەكەت جاعدايىنا ۇيلەسەتىن ادامدىق ۇقىقتى دامىتۋ جولىمەن ءجۇرىپ، ادامدىق ۇقىق ماسەلەسىن ساياسيلاندىرۋعا ءبىر اۋىزدان قارسى تۇرادى. جۇڭگو مەن ەفيوپيا جۇڭگو مەن افريكانىڭ ادامدىق ۇقىق اۋىس كۇيىسى مەن سەلبەستىگىندە ۇلگىلىك رول اتقاردى. تەرەڭ ساياسي ءوزارا سەنىمدىلىك پەن حالىقتىق دوستىق نەگىزىنە سۇيەنىپ، جۇڭگو مەن افريكانىڭ ادامدىق ۇقىق اۋىس كۇيىسى مەن سەلبەستىگى جۇڭگو مەن افريكانىڭ ادامدىق ۇقىق ىستەرىنىڭ دامۋىن ىلگەرىلەتۋمەن بىرگە، جۇڭگو مەن افريكانىڭ تاعدىرلاس ورتاق تۇلعاسىن تەرەڭدەتۋگە، ادامزاتتىڭ العا باسۋ ىستەرىن جەبەۋگە ۇلەس قوسادى.

جەدي موبرەي اما ارناۋ سوزىندە بىلاي دەدى: «شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى بايىمداۋلارىنان ۇزىندىلەر» وقىرماندارعا جۇڭگونىڭ مەملەكەت جاعدايىنا جانە تاريحي وزگەرىسىنە تامىر تارتقان وزگەشە ادامدىق ۇقىق ۇستانىمىن كورسەتۋمەن بىرگە، ءبىر مەملەكەتتىڭ امالياتتىق ۇلگىسىن دە كورسەتتى. بۇل ۇلگىنى تاريح سومداپ، دامۋ رەالدىعىنا تامىر تارتىپ، دۇنيە جۇزىمەن تىلدەسۋ سىندى اشىق بەينەنى باستان - اياق ساقتاپ كەلەدى. ول بىلاي دەپ قارادى: ءاربىر مەملەكەت، ءسوز جوق، ءوزىنىڭ تاريحىنا، مادەنيەتىنە جانە دامۋ كەزەڭىنە نەگىزدەلىپ، مەملەكەت جاعدايىنا ۇيلەسەتىن جول اشۋى، سونىمەن بىرگە ار - نامىس، ادىلدىك جانە تەڭدىك جونىندەگى ورتاق تالپىنىسقا تاباندى بولۋى كەرەك. الەمنىڭ وڭتۇستىگىندەگى ەلدەر جونىنەن العاندا، بۇل ۇستانىم تەرەڭ ۇندەستىك تۋدىردى.

يۇي تاۋ ارناۋ سوزىندە بىلاي دەدى: وسى بايىمداۋلار ارقىلى وقىرماندار جۇڭگونىڭ حالىقتى وزەك ەتكەن ادامدىق ۇقىق ۇستانىمىن باستان اياق اتقارعاندىعىن، جۇڭگونىڭ دامۋ ارقىلى ادامدىق ۇقىقتى جەبەۋدىڭ امالياتتىق جولىنا، جۇڭگونىڭ ادامدىق ۇقىق وركەنيەتىنىڭ دامۋىن، العا باسۋىن بىرگە ىلگەرىلەتۋگە تاباندى بولعاندىعىن تولىق تۇسىنە الادى.

قيمىل بارىسىندا جياڭ جيانگو قاتارلىلار ەفيوپيا ساياساتىن زەرتتەۋ ورنىنداعى سيلى قوناقتاردىڭ ۋاكىلدەرىنە «شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى بايىمداۋلارىنان ۇزىندىلەردىڭ» اعىلشىنشا باسىلىمىن ۇسىندى.

ورتاقتاسۋ ماجىلىسىندە مامان وقىمىستىلار «شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىزداندىرۋ جونىندەگى بايىمداۋلارىنان ۇزىندىلەر» اتتى شىعارماسىن وقۋ اسەرىمەن ۇشتاستىرىپ، ادامدىق ۇقىقتى قالاي جەبەۋ جانە قامتاماسىزداندىرۋ سياقتى كەڭەستىك تاقىرىپتار توڭىرەگىندە پىكىر اۋىستىرىپ، تالقى ورىستەتتى.

ۇعىسۋعا قاراعاندا، بۇل قيمىلدى جۇڭگو ادامدىق ۇقىق زەرتتەۋ قوعامى، جۇڭگو شەتەل تىلدەرى مەكەمەسى، جۇڭگونىڭ ەفيوپيادا تۇراتىن باس ەلشىحاناسى، جىجياڭ پەداگوگيكا داشۋەسى بىرگە ۇيىمداستىرعان.

كەلۋ قاينارى: حالىق  تورابى