ورتالىق ۋاكىلدەر ۇيىرمەسى شيزاڭنان بەيجيڭگە قايتىپ كەلدى

«حالىق گازەتى»، 8 - ايدىڭ 23 - كۇنى، بەيجيڭ (تىلشىلەر چىن شاڭۋىن، چىن شيرۇي). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ۇيىرمە باستىعى بولعان ورتالىق ۋاكىلدەر ۇيىرمەسى شيزاڭ اۆتونوميالى رايونى قۇرىلعاندىعىنىڭ 60 جىلدىعىن قۇتتىقتاۋ قيمىلىنا قاتىناسىپ، شيزاڭداعى ءار ۇلت كادرلارى مەن بۇقاراسىنا امانداسىپ، ولاردان حال سۇراپ، جەرگىلىكتى ورىننىڭ ەكونوميكالىق، قوعامدىق دامۋ جاعدايىن تەكسەرگەننەن كەيىن، 8 - ايدىڭ 23 كۇنى شيزاڭنان ۇشاقپەن بىيجيڭگە قايتىپ كەلدى.

باس شۋجي شي جينپيڭنىڭ تاپسىرماسىمەن بىرنەشە كۇننەن بەرى ورتالىق ۋاكىلدەر ۇيىرمەسى پارتيا ورتالىق كوميتەتىنىڭ شىنايى قامقورلىعى مەن بۇكىل ەل حالقىنىڭ تەرەڭ سۇيىسپەنشىلىگىن، ىزگى تىلەگىن ارقالاپ، قارلى ۇستىرتكە بارىپ، پارتيانىڭ مەيىر - شاپاعاتىن شيزاڭداعى ءار ۇلت حالقىنىڭ كوڭىل تورىنە جەتكىزىپ، جەرگىلىكتى ءار ۇلت كادرلارى مەن بۇقاراسىنىڭ قىزۋ قارسى الۋىنا يە بولدى.

سول كۇنى تۇستەن بۇرىن ۋاڭ حۋنيڭ ۇيىرمە باستاپ رىكازى قالاسىنىڭ باسشىلىق القاسىنىڭ مۇشەلەرىنە جانە ءار ۇلت، ءار سالا ۋاكىلدەرىنە امانداسا باردى ءارى ەستەلىك سۋرەتكە ءتۇسىپ، رىكازى قالاسىنا باس شۋجي شي جينپيڭنىڭ ”جۇڭحۋا ۇلتى ورتاق تۇلعاسىن بىرگە قۇرىپ، كورىكتى شيزاڭنىڭ جاڭا تاراۋىن جازايىق“ دەگەن ارناۋ ءسوزى جازىلعان قۇتتىقتاۋ ماڭدايشالىعىن ۇسىندى. ول مىنالاردى ءبىلدىردى: باس شۋجي شي جينپيڭنىڭ شيزاڭ اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭداعان كەزدە سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، جاڭا داۋىردەگى پارتيانىڭ شيزاڭدى جونگە سالۋ جالپى جوباسىن جاپپاي دايەكتىلەندىرىپ، شيزاڭنىڭ باياندى تىنىشتىعى مەن جوعارى ساپالى دامۋىن ىلگەرىلەتۋ جاعىندا تىڭ ۇلەس قوسۋ كەرەك. نەگىزگى ۇيىرمە زاشىلۇنبۋ بۇتحاناسىنا بارىپ ءدىن سالاسىنداعى قايراتكەرلەرگە امانداسىپ، ولاردان حال سۇراپ، باس شۋجي شي جينپيڭنىڭ ”جۇڭحۋا ۇلتى ورتاق تۇلعاسىن بىرگە قۇرىپ، كورىكتى شيزاڭنىڭ جاڭا تاراۋىن جازايىق“ دەگەن ارناۋ ءسوزى جازىلعان جالاۋشا تارتۋ ەتتى. نەگىزگى ۇيىرمە ساڭجۋزى رايونى چىڭبەي ءمالى باسقارماسى شيڭفۋ الەۋمەتتىك اۋماعىنا بارىپ تەكسەرۋ جۇرگىزدى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى، ورتالىق ۋاكىلدەر ۇيىرمەسى باستىعىنىڭ ورىنباسارى جاڭ گوچيڭ چاڭدۋ بولىمشە ۇيىرمەسىن باستاپ چاڭدۋ تاجىريبە باستاۋىش مەكتەبىنە كەلىپ، چاڭدۋدىڭ وقۋ - اعارتۋ قىزمەتىنىڭ ورىستەتىلۋ جاعدايىن ۇعىستى ءارى وقۋشىلارمەن ىقىلاسپەن اڭگىمەلەسىپ، كوپشىلىكتى مۇقيات ۇيرەنىپ، پارتيانى، وتاندى سۇيەتىن، قۇلشىنا ۇيرەنەتىن، جان - جاقتى دامىعان جاڭا داۋىردەگى جاقسى ورەن بولۋعا شابىتتاندىردى.

مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى، ورتالىق ۋاكىلدەر ۇيىرمەسى باستىعىنىڭ ورىنباسارى لوساڭجياڭسۇن ناچۇي بولىمشە ۇيىرمەسىن باستاپ لحاساداعى ناچۇي 1 - جوعارى دارەجەلى ورتا مەكتەبىنە بارىپ، تەڭىز دەڭگەيىنەن بيىك وڭىرلەردە رايون اتتاپ مەكتەپ اشىپ، وقۋ - اعارتۋدىڭ جوعارى ساپالى دامۋىن جەبەۋ جاعدايىن ۇعىسىپ، وقىتۋشى - وقۋشىلاردى جۇڭحۋا ۇلتى ورتاق تۇلعا تانىمىن ونان ارى بەكەمدەپ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋگە ۇلەس قوسۋعا شابىتتاندىردى.

مەملەكەتتىك ساياسي كەڭەس ءتوراعاسىنىڭ ورىنباسارى، ورتالىق ۋاكىلدەر ۇيىرمەسى باستىعىنىڭ ورىنباسارى حۋ چۇنحۋا لينجى بولىمشە ۇيىرمەسىن باستاپ لينجى قالالىق حالىق شيپاحاناسىنا جانە لينجى قالالىق 1 - ورتا مەكتەپكە بارىپ، ەمدەۋ، دەنساۋلىق ساقتاۋ ىستەرىنىڭ دامۋ جاعدايى مەن وقۋ - اعارتۋ قىزمەتىنىڭ جاعدايىنا تەكسەرۋ - زەرتتەۋ جۇرگىزدى. وسىدان كەيىن ۋاكىلدەر ۇيىرمەسى لينجى قالاسىنىڭ قالا جوباسى سارايىنا كەلىپ، قالا قۇرىلىسىنىڭ جاعدايىن ۇعىستى.

ورتالىق اسكەري ىستەر كوميتەتىنىڭ مۇشەسى، ورتالىق ۋاكىلدەر ۇيىرمەسى باستىعىنىڭ ورىنباسارى جاڭ شىڭمين شاننان بولىمشە ۇيىرمەسىن باستاپ ساڭيە بۇتحاناسىنا كەلىپ، ”ءۇش تانىم“ تاربيەسى، بۇتحانالاردى باسقارۋدى كۇشەيتۋ جانە وندا جاڭالىق اشۋ، سونداي - اق مادەني ەسكەرتكىشتەردى قورعاۋ سياقتى قىزمەتتەردىڭ جاعدايىن ۇعىستى ءارى ساڭيە بۇتحاناسىنا قۇتتىقتاۋ جالاۋشاسىن ۇسىندى.

ورتالىق ۋاكىلدەر ۇيىرمەسى شيزاڭنان اتتاناردا اۆتونوميالى رايون اتتاندىرۋ سالتىن وتكىزىپ، قارلى القاپتاعى پەرزەنتتەردىڭ شي جينپيڭ جولداستى ۇيىتقى ەتكەن پارتيا ورتالىق كوميتەتىنە جانە بۇكىل ەل حالقىنا دەگەن العىس سەزىمىن، سوتسياليستىك وسىزاماندانعان جاڭا شيزاڭ قۇرۋ جونىندەگى بەرىك سەنىمىن بەينەلەدى.

كەلۋ قاينارى: حالىق تورابى