جۇڭگو، تايلاند، ا ق ش ”جيشىڭ“ اتتى كەمەمەن تەڭىزدە ەسىرتكى اتكەزشىلىگىمەن شۇعىلدانۋ دەلوسىن انىقتادى 

جۋىردا جۇڭگو، تايلاند، ا ق ش – نىڭ ”جيشىڭ“ اتتى كەمەمەن تەڭىزدە ەسىرتكى اتكەزشىلىگىمەن شۇعىلدانۋ سىندى ەرەكشە ءىرى دەلو جونىندە اۋىس – كۇيىس جاساۋ ءماجىلىسى گۋاڭدۇڭ ولكەسى گۋاڭجوۋ قالاسىندا وتكىزىلدى، جۇڭگو قوعام حاۋىپسىزدىگى مينيسترلىگىنىڭ ەسىرتكىگە تيىم سالۋ مەڭگەرمەسىنىڭ، تايلاند پاتشالىق ساقشى ەسىرتكىنى الاستاۋ مەڭگەرمەسىنىڭ، ا ق ش ءادىليا مينيسترلىگىنىڭ ەسىرتكى بارلاۋ باسقارماسىنىڭ ۋاكىلدەر ۇيىرمەسى ماجىلىسكە قاتىناستى. ءماجىلىس مەزگىلىندە، ءۇش جاق ”جيشىڭ“ اتتى كەمەمەن اتكەزشىلىك ىستەۋ دەلوسىنا قاتىستى ءوزدى – ءوزىنىڭ قىزمەت جاعدايى جونىندە مالىمەت بەرىپ، اۋىس – كۇيىس جاساپ، پىكىر – ۇسىنىس بەردى، كەلەسى قادامداعى قىزمەتتىڭ باعدارىن ايقىن تۇراقتاندىردى. ءۇش جاق سەلبەستىكتى ونان ارى كۇشەيتۋگە، پەردە ارتىنداعى ەسىرتكى ساۋدالايتىن توپتىڭ تورىن ىشكەرىلەي تەكسەرىپ، سوققى بەرۋگە قوسىلدى.

ۇعىسۋعا قاراعاندا، 2025 – جىلى 2 – ايدىڭ 24 – كۇنى تاڭ سارىدە، جۇڭگونىڭ ەسىرتكىگە تيىم سالۋ، تەڭىز ساقشىلارى تاراۋلارى ا ق ش – نىڭ ەسىرتكى بارلاۋ باسقارماسى بەرگەن دەرەك بويىنشا، جۇڭگونىڭ نانحاي تەڭىزىندەگى حۋاڭيان ارالىنىڭ باتىس وڭتۇستىگىنەن 130 كيلومەتر كەلەتىن جەردە زاڭ اتقارۋ ارەكەتىن ورىستەتىپ، ”جيشىڭ“ اتتى ەسىرتكى تاسىمالدايتىن كەمەنى ءساتتى تەكسەرىپ قولعا ءتۇسىرىپ، قىلمىس كۇماندىلارىنان 7 ادامدى سول جەردە تۇتقىنداعان، سول جەردەن ەسىرتكى مەتيلامفەتاميننەن 4973.4 كيلوسىن قولعا تۇسىرگەن. (ورتالىق تەلەۆيزيا ءتىلشىسى جۋ يۇن)

كەلۋ قاينارى: حالىق تورابى