سىرتقى ىستەر مينيسترلىگى: ا ق ش – ىن كۋبا حالقىن ءومىر ءسۇرۋ ۇقىعىنان، دامۋ ۇقىعىنان ماحرۇم ەتۋدى توقتاتۋعا ءناسيحاتتايمىز

شينحۋا اگەنتتىگىنىڭ 1 – ايدىڭ 27 – كۇنى بەيجيڭنەن بەرگەن حابارى. كۋبا ۇكىمەتىنىڭ ا ق ش – ىن كۋبانى زاڭسىز قۇرساۋلاۋىن كۇشەيتۋدى ويلاستىرعانىن جازعىرۋىنا قاراتا، سىرتقى ىستەر مينيسترلىگىنىڭ مالىمدەمەشىسى گو جياكۇن 1 – ايدىڭ 27 - كۇنى كەزەكتى تىلشىلەر جينالىسىندا بىلاي دەدى: جۇڭگو ا ق ش – نىڭ ارەكەتىنە ەرەكشە نازار اۋدارادى جانە قارسى تۇرادى، ا ق ش - ىن كۋبا حالقىن ءومىر ءسۇرۋ ۇقىعىنان، دامۋ ۇقىعىنان ماحرۇم ەتۋدى توقتاتۋعا، ءوڭىردىڭ بەيبىتشىلىگى مەن ورنىقتىلىعىنا زيان جەتكىزۋدى توقتاتۋعا، حالىقارالىق زاڭعا قايشى ارەكەتتەردى توقتاتىپ، كۋبانى قۇرساۋلاۋدى، جازالاۋدى دەرەۋ كۇشىنەن قالدىرۋعا ءناسيحاتتايدى.

”جۇڭگو جاق كۋباعا شاماسىنىڭ كەلىسىنشە ۇزدىكسىز قولداۋ كورسەتەدى جانە كومەكتەسەدى، كۋبا پارتياسى مەن ۇكىمەتىنىڭ پارمەندى باسشىلىعىندا، كۋبا حالقىنىڭ، ءسوز ءجوق، ۋاقىتتىق قيىنشىلىقتاردى جەڭەتىندىگىنە سەنەمىز“ دەدى گو جياكۇن.

كەلۋ قاينارى: حالىق تورابى