وسى اپتادا شينجياڭدا ەكى رەت قار جاۋادى!

1- ايدىڭ 27 - كۇنى كۇندىزدەن تۇنگە دەيىن تارباعاتاي ايماعىنىڭ سولتۇستىك بولەگى، التاي ايماعىنىڭ سولتۇستىك بولەگى مەن شىعىس بولەگى، وڭتۇستىك شينجياڭنىڭ باتىسىنداعى تاۋلى وڭىرلەر، كۇنلۇن تاۋىنىڭ سولتۇستىك بەتكەيى قاتارلى جەرلەردىڭ ءىشىنارا وڭىرلەرىندە قىرباق قار جاۋادى، ءىشىنارا وڭىرلەردە ورتاشا قار جاۋادى. مۇنىڭ ىشىندە التاي ايماعىنىڭ سولتۇستىك بولەگى، شىعىس بولەگىندەگى تاۋلى وڭىرلەر جانە قاشقار ايماعىنىڭ وڭتۇستىگىندەگى تاۋلى وڭىرلەر قاتارلى جەرلەردىڭ ءىشىنارا وڭىرلەرىندە قالىڭ قار جاۋادى؛ ىلە اڭعارىنىڭ باتىس بولەگى، بۇراتالا موڭعۇل اۆتونوميالى وبلىسىنىڭ شىعىس بولەگى، تارباعاتاي ايماعىنىڭ وڭتۇستىك بولەگى، قارامايلى قالاسى، شىحىزى قالاسى، ءۇرىمجى قالاسى، سانجى حۇيزۋ اۆتونوميالى وبلىسى قاتارلى جەرلەردىڭ ءىشىنارا وڭىرلەرىندە ۇزدىك - سوزدىق تۇمان (قار) تۇسەدى .

1 - ايدىڭ 28 - كۇنى كۇندىزدەن 29 - كۇنى تۇنگە دەيىن سولتۇستىك شينجياڭنىڭ باتىس بولەگى مەن تارباعاتاي ايماعىنىڭ وڭتۇستىك بولەگىندەگى تاۋلى وڭىرلەردە، التاي ايماعىنىڭ تاۋلى وڭىرلەرىندە، شىحىزى قالاسىنىڭ وڭتۇستىگىندەگى تاۋلى وڭىرلەردە، ءۇرىمجى قالاسىنىڭ تاۋلى وڭىرلەرىندە، سانجى وبلىسىنىڭ تاۋلى وڭىرلەرىندە، وڭتۇستىك شينجياڭنىڭ باتىس بولىگىندەگى تاۋلى وڭىرلەردە، كۇنلۇن تاۋىنىڭ سولتۇستىك بەتكەيىندە، قۇمىل قالاسىندا قىرباق قار جاۋادى، مۇنىڭ ىشىندە ىلە اڭعارىنىڭ وڭتۇستىك تاۋلى ءوڭىرى، قاشقار ايماعىنىڭ وڭتۇستىك تاۋلى رايونى قاتارلى وڭىرلەردىڭ ءىشىنارا جەرلەرىندە ورتاشادان باستاپ قالىڭ قار جاۋادى، سولتۇستىك شينجياڭ مەن شىعىس شينجياڭنىڭ جەل وتتەرىندە باتىس سولتۇستىكتەن 9 بال جەل سوعادى.

1 - ايدىڭ 30 - كۇنىنەن 2 - ايدىڭ 1 - كۇنىنە دەيىن شينجياڭنىڭ باسىم كوپ جەرىندە نەگىزىنەن كۇن اشىق نەمەسە بۇلتتى بولادى، جەل كۇشى زور بولمايدى.

كەلۋ قاينارى: حالىق تورابى