شاڭحاي قالالىق باجى ىستەرى تاراۋلارى زاڭ بويىنشا ”پيندودونى“ جازالادى

ءتىلشىنىڭ 1 – ايدىڭ 21 – كۇنى مەملەكەتتىك باجى ىستەرى باس مەڭگەرمەسى شاڭحاي قالاسى چاڭنيڭ رايوندىق باجى ىستەرى مەكەمەسىنەن ۇعىسۋىنشا، شاڭحاي قالاسى شۇنمىڭ ينفورماتسيالىق تەحنيكا شەكتى سەرىكتەستىگى (”پيندودو“ تەكشەسىنىڭ تيجارات نەگىزگى تۇلعاسى) «ينتەرنەتتەگى تەكشەلىك كاسىپورىنداردىڭ باجىعا قاتىستى ينفورماتسيالاردى جولداۋى جونىندەگى بەلگىلەمەدەگى» تالاپتارعا ساي باجىعا قاتىستى ينفورماتسيالاردى جولداماعاندىقتان، باجى ىستەرى تاراۋلارى شەكتى مەرزىم ىشىندە تۇزەتۋگە بۇيىرعان. كاسىپورىن رەتتەۋ جانە تۇزەتۋ قىزمەتىن ورىستەتكەن بولسا دا، بەلگىلەنگەن شەكتى مەرزىم ىشىندە ورىنداماعان، اتالعان مەكەمە زاڭ – ەرەجەگە ساي ”پيندودوعا“ 100 مىڭ يۋان اقشالاي ايىپ سالۋدى ۇيعارعان.

تانىستىرۋعا قاراعاندا، «ينتەرنەتتەگى تەكشەلىك كاسىپورىنداردىڭ باجىعا قاتىستى ينفورماتسيالاردى جولداۋى جونىندەگى بەلگىلەمە» 2025 – جىلى جاريالانىپ اتقارىلعاننان بەرى، ”پيندودو“ 2025 – جىلعى ءۇشىنشى توقسانداعى تەكشەدەگى تيجاراتشىلار مەن قىزمەتكەرلەردىڭ باجىعا قاتىستى ينفورماتسيالارىن تالاپقا ساي جولداماعان. باجى ىستەرى تاراۋلارى 2025 – جىلى 11 – ايدا زاڭ بويىنشا وعان شەكتى مەرزىم ىشىندە تۇزەتۋدى بۇيىرعان ۇقتىرۋدى جولداعان، الايدا تەكشە بەلگىلەنگەن مەرزىم ىشىندە تۇزەتپەگەن. وسىعان بايلانىستى، شاڭحاي قالاسى چاڭنيڭ رايوندىق باجى ىستەرى مەكەمەسى زاڭ – ەرەجەگە ساي ”پيندودوعا“ 100 مىڭ يۋان اقشالاي ايىپ سالعان.

كەلۋ قاينارى: حالىق تورابى