يزرايلدىڭ اقپارات قۇرالدارى: ا ق ش – نىڭ يرانعا كوپ ۇزاماي شابۋىل جاساۋىنان الاڭداپ، يزرايل ساقتىق دارەجەسىن جوعارىلاتتى

شينحۋا اگەنتتىگىنىڭ 1 – ايدىڭ 21 - كۇنى يەرۋساليمنەن بەرگەن حابارى. يزرايل «مەملەكەت جەرى گازەتىنىڭ» 1 – ايدىڭ 21 - كۇنى يزرايل حاۋىپسىزدىك تاراۋلارى ءمانساپتىلارىنىڭ حابارى نەگىزىندە جاريالاعان حابارىنا قاراعاندا، ا ق ش زۇڭتۇڭى ترامپتىڭ ”تاياۋدا، ءتىپتى بىرنەشە كۇننىڭ ىشىندە يرانعا تۇتقيىل شابۋىل جاساۋى مۇمكىن“ دەگەن سوزىنەن الاڭداپ، يزرايل مەملەكەت قورعانىس مينيسترلىگى سوڭعى بىرنەشە كۇندە ساقتىق دارەجەسىن جوعارىلاتقان.

حاباردا بىلاي دەلىنگەن: يزرايلدىڭ قورعانىس مينيسترلىگى تۇتقيىل شابۋىلدىڭ قاس پەن كوزدىڭ اراسىندا تۋىلۋ مۇمكىندىگىن مۇقيات ساراپتادى، يزرايل ارمياسى ”ەل ءىشى شايقاس شەبى“ مەن ءتۇرلى جاعدايعا توتەپ بەرۋگە دايىندالۋدا، مۇنىڭ ىشىندە باسقارىلمالى بومبىنىڭ شابۋىلىنا ۇشىراۋ جاعدايى دا بار.

يزرايل ارمياسىنىڭ كەيبىر جوعارى دارەجەلى ءمانساپتىلارى ەگەر ا ق ش يرانعا شابۋىل جاساسا، يران يزرايلعا باسقارىلمالى بومبى اتۋ ارقىلى قاقتىعىسقا ارالاستىرۋى مۇمكىن دەگەندى ايتتى. ەگەر يزرايل يراننىڭ باسقارىلمالى بومبى شابۋىلىنا ۇشىراسا، يزرايل ارمياسى يران شەكاراسى ىشىندەگى نىسانالارعا اۋەدەن شابۋىل جاساۋى مۇمكىن. يزرايل مەملەكەت قورعانىسى ءمانساپتىلارىنىڭ تۇجىرىمداۋىنشا، الدا - جالدا قاقتىعىس اسقىنسا، يران قولداعان يەمەن حوسە قارۋلى كۇشتەرىنىڭ ليۆان قۇدايشىلدار پارتياسىنان گورى قاقتىعىسقا ارالاسۋ مۇمكىندىگى جوعارى، يزرايلدىڭ قاتىستى نىساناسىنا تۇتقيىل شابۋىل جاساۋى مۇمكىن.

ترامپ ۇكىمەتى تاياۋدا يرانعا قارۋ جۇمسايتىندىعى جونىندە تالاي رەت سەس كورسەتتى، يران ەڭ جوعارى سوعىس دايىندىعى كۇيىندە تۇرعاندىعىن ءبىلدىردى. ا ق ش اقپارات قۇرالدارىنىڭ حابارىنا قاراعاندا، ا ق ش ورتا شىعىس رايونىنا ”ابراحام لينكولن“ اتتى اۆياماتكانى قامتىعان اسكەري كۇشتى كوبەيتىپ جاتىر.

كەلۋ قاينارى: حالىق تورابى