ەڭ جوعارى حالىق پروكۋراتۋراسى: ادام الداپ ساتۋ، ءوندىرىس حاۋىپسىزدىگىنە قاتەر ءتوندىرۋ سىندى جۇرتشىلىقتىڭ اڭىسى زور بولعان قىلمىستىق ىستەرگە قاتاڭ سوققى بەرىلەدى

1 – ايدىڭ 19 – كۇنى بەيجيڭدە وتكىزىلگەن مەملەكەت بويىنشا پروكۋراتۋرا ورگاندارى باسشىلارىنىڭ ماجىلىسىندە، ەڭ جوعارى حالىق پروكۋراتۋراسى مىناداي تالاپتى ورتاعا قويدى: ەرەكشە ۇشقارىلىقپەن اۋىر زورلىق – زومبىلىق قىلمىسىن وتكىزگەن جەكەلەردى زاڭ بويىنشا جەدەل تۇتقىنداپ، ولاردىڭ ۇستىنەن تەز ارادا شاعىم ايتۋ، اۋىر ءارى قاتاڭ جازالاۋ، قىلمىستىق ەلەمەنتتەردى پارمەندى سەسكەندىرىپ، جۇرت كوڭىلىن ورنىقتىرۋ كەرەك. قارا قول سيپاتىنداعى كۇشتەر مەن سۇرقيا كۇشتەردى الاستاۋ كۇرەسىن ۇدايىلاندىرىپ، ادام الداپ ساتۋ، مىلتىق جانە جارىلعىش زاتتارعا ساياتىن قىلمىستىق ىستەرگە، ”سارى الاپات، قۇمار، ەسىرتكىگە“ ساياتىن قىلمىستىق ىستەرگە، ”ۇرلىق، توناۋشىلىق، الدامشىلىق“ سىندى قىلمىستىق ىستەرگە، ءوندىرىس حاۋىپسىزدىگىنە زيان جەتكىزۋ سىندى حالىق بۇقاراسىنىڭ اڭىسى كۇشتى بولعان قىلمىستىق ىستەرگە زاڭ بويىنشا قاتاڭ سوققى بەرىپ، حالىق جۇرتشىلىعىنىڭ حاۋىپسىزدىك سەزىمىن جوعارىلاتۋ كەرەك.

ەڭ جوعارى حالىق سوتى مىنانى اتاپ كورسەتتى: ينتەرنەت پەن ينتەرنەتتەن تىس جاعدايدى ءبىرتۇتاس جوسپارلاپ، ”ينتەرنەتتى پاكتەندىرۋ“ سىندى ارناۋلى قيمىلدارعا بەلسەندى قاتىناسىپ، ينتەرنەت ارقىلى زورلىق – زومبىلىق ىستەۋ قاتارلى قىلمىستىق ارەكەتتەردى زاڭ بويىنشا جازالاپ، جەكەلەردىڭ ينفورماتسياسىنا سۇعاناقتىق جاساۋ سىندى زاڭعا قايشى قىلمىستىق ارەكەتتەرگە زاڭ بويىنشا سوققى بەرىپ، ينتەرنەت ەكولوگيالىق ورتاسىن جونگە سالۋدى كۇشەيتۋ كەرەك. پروكۋراتۋرالىق باقىلاۋدى كۇشەيتۋ ارقىلى ازامات جاسىنا تولماعانداردىڭ قىلمىس وتكىزۋىنەن ساقتانۋ جانە ونى جونگە سالۋ جاعىندا، ەڭ جوعارى حالىق پروكۋراتۋراسى مىنانى ورتاعا قويدى: ازامات جاسىنا تولماعانداردىڭ قىلمىستىق ارەكەتتەرى مەن قاتە ارەكەتتەرىن دارەجەگە ءبولىپ ءبىر جاقتى ەتۋ جانە تۇزەتۋ جۇيەسىن ورناتۋدى سايكەستى ىلگەرىلەتىپ، ازامات جاسىنا تولماعان بالعىنداردىڭ اۋىر زورلىق – زومبىلىق قىلمىسىن تۇراقتاندىرىپ بەكىتۋ جانە ونىڭ ۇستىنەن ۇستەمە ارىز بەرۋ مەحانيزمىن كەمەلدەندىرۋ كەرەك.

كەلۋ قاينارى: حالىق تورابى