قوعام حاۋىپسىزدىگى مينيسترلىگى چىن جى قىلمىستىق توبىنداعى قاشىپ جۇرگەن قىلمىس كۇماندىلارىن ءوزى كەلىپ قىلمىسىن مويىنداۋعا قۋزادى 

1 – ايدىڭ 15 – كۇنى، قوعام حاۋىپسىزدىگى مينيسترلىگى چىن جى قىلمىستىق توبىنداعى قاشىپ جۇرگەن قىلمىس كۇماندىلارىن ءوزى كەلىپ قىلمىسىن مويىنداۋعا قۋزاۋ تۋرالى ۇقتىرۋدى جاريالادى، ۇقتىرۋدا بىلاي دەلىنگەن: قۇمار ويىنى مەن الدامكوستىككە ساياتىن شەكارا اتتاعان ەرەكشە ءىرى قىلمىستىق توپتىڭ اتامانى چىن جى زاڭ بويىنشا كامبودجادان ەلىمىزگە ايداپ اكەلىندى. چىن جى قىلمىستىق توبى الدامكوستىك ىستەۋ، قۇمار الاڭىن اشۋ، زاڭسىز تيجارات جۇرگىزۋ، قىلمىس ارقىلى تاپقان تابىستارىن جاسىرۋ قاتارلى كوپ ءتۇرلى قىلمىستارعا شاتىلعان، قازىر دەلو تەكسەرىلۋ ۇستىندە.

قىلمىستىق ىستەرگە باعىتتالعان كەڭشىلىك جاساۋ مەن قاتاڭ ءبىر جاقتىلى ەتۋ ۇشتاستىرىلعان ساياساتتى دايەكتى تياناقتاندىرىپ، قۇمار ويىنى مەن الدامكوستىككە ساياتىن زاڭعا قايشى قىلمىس وتكىزگەندەرگە زاڭ بويىنشا سوققى بەرۋ، سونىمەن بىرگە، قاشىپ جۇرگەن قىلمىس كۇماندىلارىنىڭ قاتەلىگىن تانىپ، قايتا تۇزەلۋىنە، كەڭشىلىكپەن ءبىر جاقتىلى ەتۋگە قول جەتكىزۋىنە وراي جاراتۋ ءۇشىن، قاتىستى زاڭ – ەرەجەلەرگە ساي، مىناداي ۇقتىرۋ شىعارىلدى:

وسى ۇقتىرۋ شىعارىلعان كۇننەن باستاپ 2026 – جىلى 2 – ايدىڭ 15 – كۇنىنە دەيىن، قىلمىس كۇماندىلارى قوعام حاۋىپسىزدىگى ورگاندارىنا وزدىكتەرىنەن بارىپ قىلمىسىن مويىنداپ، ءوزىنىڭ قىلمىستىق ارەكەتىن شىنايى بايانداسا، زاڭعا ساي جەڭىلىرەك جازالاۋعا نەمەسە جازاسىن جەڭىلدەتۋگە بولادى. قىلمىسىن مويىنداماقشى بولعان قىلمىس كۇماندىلارىنا قوقانلوقى جاساۋ، ولاردان ءوش الۋ، ولارعا كەدەرگىلىك جاساۋ سىندى قىلمىس قالىپتاستىرعانداردىڭ قىلمىستىق ىستەر جاۋاپكەرشىلىگى زاڭ بويىنشا قۋزاستىرىلادى.

قوعام حاۋىپسىزدىگى ورگاندارى قاتىستى قىلمىس كۇماندىلارىن جاعدايدى جىعا تانىپ، ورايدى باعالاي بىلۋگە، نوپوسى تۇرعان جەردەگى قوعام حاۋىپسىزدىگى ورگاندارىنا وزدىگىنەن تەزىرەك بارىپ ءوز قىلمىسىن مويىنداۋعا، كەڭشىلىكپەن ءبىر جاقتىلى ەتۋگە قول جەتكىزۋگە قۋزايدى. وزدىگىنەن بارىپ قىلمىسىن مويىنداۋدان باس تارتقاندارعا قوعام حاۋىپسىزدىگى ورگاندارى اشىق قۋعىنداۋ سالىپ، كۇش سالا تۇتقىنداپ، زاڭ بويىنشا جازالايدى.

بۇل ۇقتىرۋ جاريالانعان كۇننەن باستاپ اتقارىلادى.

كەلۋ قاينارى: حالىق تورابى