تايلاندتىڭ وڭتۇستىگىندەگى ناراتۋاد وبلىسىندا تۇنگى ءجۇرىس - تۇرىسقا تيىم سالىندى

شينحۋا اگەنتتىگىنىڭ 1 – ايدىڭ 11 – كۇنى بانگكوكتەن بەرگەن حابارى. تايلاند ارمياسى 1 – ايدىڭ 11 - كۇنى بىلاي دەپ جاريالادى: تاياۋدا ناراتۋاد وبلىسىنىڭ جەر كوپ جەردە قوپارىلىس تۋىلۋ قاتارلى زورلىقتى كۇش ۋاقيعاسى تۋىلعاندىقتان، بۇگىننەن باستاپ اتالعان وبلىستا تۇنگى ءجۇرىس – تۇرىسقا تيىم سالىنادى، تۇرعىنداردىڭ كەشكى ساعات 9 دان تاڭعى ساعات 5 كە دەيىن تۇراعىنان شىعۋىنا بولمايدى.

تايلاند ارمياسى ۇقتىرۋ شىعارىپ، ارميا جاقتىڭ ءبىرقىدىرۋ شارالاردى جولعا قويىپ، قوعام ءتارتىبى جانە حاۋىپسىزدىگىن قورعايتىندىعىن، نەگىزىنەن تايلاند جانە مالايزيا شەكارا اۋىزىنداعى باسقارۋ شارالارىن كۇشەيتەتىندىگىن، ناراتۋاد وبلىسىندا تۇنگى ءجۇرىس – تۇرىسقا تيىم سالۋ قاتارلى شارالاردى جولعا قوياتىندىعىن، بۇقارانىڭ سايكەسۋىن ءۇمىت ەتەتىندىگىن ءبىلدىردى.

تايلاند ارمياسى 1 – ايدىڭ 11 – كۇنى تاڭەرتەڭ تايلانتتىڭ وڭتۇستىك شەكاراسىنداعى ءۇش وبلىستىڭ كوپ جەرىندە 1 – ايدىڭ 10 - كۇنى تۇندە قاساقانا ءورت قويۋ، سونداي – اق قوپارىلىس تۋدىرۋ ۋاقيعاسى تۋىلىپ، مال - مۇلىك زيانىن كەلتىرىپ شىعارعاندىعىن، ءبىر ساقشىنىڭ جارالاندىرعاندىعىن ايتتى. مۇنىڭ ىشىندە ناراتۋاد وبلىسىندا بەس ماي قۇيۋ پۋنكتى شابۋىلعا ۇشىراعان.

كەلۋ قاينارى: حالىق تورابى