ماكرون: ا ق ش بىرتە - بىرتە ءبىر ءبولىم وداقتاستارىنان الشاقتاپ بارادى

شينحۋا اگەنتتىگىنىڭ 1 – ايدىڭ 8 – كۇنى پاريجدەن بەرگەن حابارى. فرانسيانىڭ زۇڭتۇڭى ماكرون 1 – ايدىڭ 8 – كۇنى فرانسيانىڭ شەتەلدە تۇراتىن ەلشىلەرىنىڭ جىلدىق ماجىلىسىندە بىلاي دەدى: ا ق ش بىرتە – بىرتە ءبىر ءبولىم وداقتاستارىنان الشاقتاپ بارادى، ساۋدا، حاۋىپسىزدىك قاتارلى جاقتارداعى قاتىستى حالىقارالىق ەرەجەدەن قول ۇزۋدە.

ماكرون بىلاي دەدى: قازىر حالىقارالىق جاعداي تارتىپسىزدىك قاتەرىنە ءدوپ كەلىپ وتىر، كوپ جاقتى مەحانيزم اينالىمى كەدەرگىگە ۇشىرادى. فرانسيا مەن ەۆروپا زورلىقتى ۇقىق لوگيكاسىنا بويسۇنباۋى ءارى تەك ءمورالدىق جازعىرۋمەن عانا تىنىپ، ارەكەت جاساۋعا دارمەنسىز بولماۋى كەرەك، قايتا دۇنيە ءجۇزىنىڭ بىلىققان جاعدايىندا وزىندىك قۋاتى مەن سىرتقى ىقپال كۇشىن ۇزدىكسىز كۇشەيتىپ، ستراتەگيالىق دەربەستىكتى كۇشەيتۋى كەرەك.

ماكرون بىلاي دەدى: فرانسيا مەن ەۆروپا وزدەرىنىڭ حاۋىپسىزدىگىن، ەكونوميكالىق مۇددەسىن، سونداي ـ اق ءوزىنىڭ قۇن كوزقاراسىن قورعاۋى ءارى ديپلوماتيالىق ارەكەت ارقىلى سەرىكتەستىك قاتىناستى بەكەمدەپ، كوپ جاقتىلىقتى قورعاۋى كەرەك.

كەلۋ قاينارى: حالىق تورابى