بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.01.07 15:42 كەلۋ قاينارى : حالىق تورابى
شينجياڭ گازەتىنىڭ 1 – ايدىڭ 6 – كۇنى ۇرىمجىدەن بەرگەن حابارى. انار بۇلت \ شينجياڭ گازەتىنىڭ ءتىلشىسى ما بويۇيدىڭ اۆتونوميالى رايوندىق اۋىل شارۋاشىلىعى جانە اۋىل – قىستاق مەڭگەرمەسىنەن ۇعىسۋىنشا، قازىرگە دەيىن، اۆتونوميالى رايون بويىنشا جاساندى جولمەن ۇرىقتاندىرىلعان ەتتى قوي سانى 5 ميلليون 100 مىڭ تۇياقتان اسىپ، جوسپارداعى مىندەت مولشەردەن ارتىق ورىندالعان ءارى تاريحي رەكوردتى جاڭالاعان.
2025 – جىلدىڭ باس شەنىندە، «اۆتونوميالى رايوننىڭ ەتتى قوي ءوندىرىسىن ارتتىرىپ، ساپاسىن جوعارىلاتۋدا اتقارىلاتىن جوباسى» قاتارلى كوپتەگەن ساياساتتىق قۇجاتتاردى ورتاعا قويىپ، ”اۋىل شارۋاشىلىعى مەن مال شارۋاشىلىعىن ۇشتاستىرۋ، ۇتىمدى بۋدانداستىرۋ، فەرمادا كوبەيتىپ، وتباسىلاردا باعۋ، كولەمدەندىرىپ بورلاۋ“ سىندى باعۋ فورماسىن اتقارىپ، ەتتى قويدى ”جاساندى جولمەن ۇرىقتاندىرۋ + ءبىر مەزگىلدە كۇيلەتۋ + ۇتىمدى بۋدانداستىرۋ“ تەحنيكاسىن ءتۇيىندى قىزمەتتەردىڭ ىشىندەگى ءتۇيىندى قىزمەت رەتىندە ۇستاعان. قاتىستى تاراۋلار جۇمىس باسىندا كۋرس ۇيىمداستىرۋ جانە ءبىرىنشى شەپكە بارىپ، دالمە – ءدال جەتەكشىلىك ەتۋ، باعىمشىلىقپەن شۇعىلداناتىن وتباسىلاردىڭ جاساندى جولمەن ۇرىقتاندىرۋدى اتقارۋ ورەسىن جان – جاقتى جوعارىلاتىپ، ”ەكى جىلدا ءۇش رەت ءتول الۋ“ سىندى جوعارى ءونىمدى باعىمشىلىق فورماسىن تياناقتاندىرۋ قىزمەتىن كۇش سالا ىلگەرىلەتكەن.
قازىرگە دەيىن، جاساندى جولمەن ۇرىقتاندىرۋ تەحنيكاسى شينجياڭدا ەتتى قوي باعىمشىلىعى جاعىندا ”ساپا + ونىمدىلىك“ سىندى ەكى جاقتان بىردەي جوعارىلاتۋدى ىسكە اسىرعان. كاسىپ سالاسىن باقىلاۋ تاراۋلارىنىڭ ساندى مالىمەتىنە قاراعاندا، اۆتونوميالى رايون بويىنشا ەتتى قويدى كولەمدى باعاتىن فەرمالاردىڭ ”ەكى جىلدا ءۇش رەت ءتول الۋ“ سالىستىرماسى %45 كە جەتكەن.
كەلۋ قاينارى: حالىق تورابى
